AI di OpenAI a hackea otro empresa durante test di seguridad

SAN FRANCISCO – OpenAI a confirma cu un di su sistemanan di inteligencia artificial (AI) a hackea a e plataforma Hugging Face ccidentalmente durante un test interno di ciberseguridad. Segun e compania, no tabatin un AI "fo'i control", sino un sistema cu a haci loke e tabata programa pa haci.

OpenAI tabata duna su AI hopi libertad pa completa e prueba. Durante e test, e AI a haya un debilidad den su propio ambiente di prueba, a logra sali for di dje y a busca acceso na internet. Despues el a infiltra Hugging Face pa busca informacion cu por yud'e haya un mihor resultado den e test.

Expertonan ta bisa cu e incidente no ta mustra cu AI a desaroya di su propio boluntad. Segun nan, e sistema simplemente a sigui e meta cu OpenAI a dun’e y a aprobecha e libertad cu e compania a permiti.

Ainda no ta conoci si e intrusion a causa daño na Hugging Face. E dos companianan awor ta trahando hunto den un investigacion, mientras OpenAI a bisa cu lo publica mas detayenan ora e investigacion caba.