Pieters(PPA): Inverti den maestro prome cu cambia regla

ORANJESTAD – Parlamentario di PPA Eduard Pieters ta bisa cu Gobierno ta introduci cambionan den e sistema di promocion di scolnan basico demasiado liher, sin cu e reforma educativo ta completamente prepara.

Segun Pieters, PPA ta sostene un enseñansa mas inclusivo, pero ta enfatisa cu prome mester implementa e vision educativo, prepara e scolnan y entrena e maestronan prome cu cambia e normanan di evaluacion. El ta argumenta cu un maestro no por wordo spera pa traha diferente sin ricibi e apoyo y hermentnan necesario.

Pieters ta conclui cu e exito di cualkier reforma educativo no ta depende di documentonan of reglamentonan nobo, sino di inversion den maestronan, preparacion di e scolnan y pone e mucha na centro di tur decision.