Dr. Earney Lasten ta lansa buki nobo riba turismo

ORANJESTAD – Dr. Earney F. Lasten a lansa su nobo buki academico, The Experience Masterplan, un guia practico cu ta presenta un metodo completo pa planifica, financia, diseña y desaroya atraccionnan y proyectonan di clase mundial.

Basá riba mas di 30 aña di investigacion y experiencia internacional, e buki ta ofrece un blueprint di 26 paso cu por wordo aplica na museo, parke tematico, centro cultural, proyecto urbano y otro iniciativa den turismo y desaroyo. E publicacion ta pone enfasis riba sostenibilidad, accesibilidad, participacion di comunidad y innovacion desde e prome etapa di planificacion.

E edicion hardcover ta disponibel mundialmente y ta dirigi na profesionalnan, gobierno, universidadnan, inversionistanan y organizacionnan cu ta traha den turismo, planificacion y desaroyo.