Aruba den e rutanan nobo di luho di Oceania Cruises pa 2026

ORANJESTAD – Aruba lo ta uno di e destinacionnan principal den e temporada Caribe 2026 di Oceania Cruises. E linea di crucero di luho a anuncia varios ruta nobo di 7 te 14 dia aboard di su barco Oceania Marina, Oceania Vista y Oceania Allura.

Dos di e cruceronan cu lo bishita Aruba ta Dutchman's Caribbean, cu ta sali di Miami dia 11 di november, y Caribbean Celebration, cu ta sali dia 22 di december. E ultimo ruta tambe ta inclui Corsou y Boneiru.

Oceania Cruises ta enfoca riba experiencia di lujo pa adulto solamente, cu excursionnan cultural, culinario y natural den diferente isla di Caribe. Segun e compania, e programa ta ofrece biaheronan un manera diferente pa descubri e region, tanto pa bishitantenan nobo como pa esnan cu ya a conoce Caribe anteriormente.