Aruba ta prohibi medio cu ta haci nummerplaat di auto dificil pa lesa pa camera

ORANJESTAD – Gobierno di Aruba a fortalece e ley di trafico cu un prohibicion cla pa uso di cualkier señal, capa of otro medio cu por haci un nummerplaat di auto menos legibel pa hende of pa cameran y sistemanan automatico.

Cu e cambio den regulacion, lo no ta permiti mas pa pone ningun material riba of dilanti di e placa cu por dificulta of evita cu e numberplaat por wordo identifica correctamente. Esaki ta inclui tambe camera  di control di trafico y otro tecnologia cu ta usa pa registra vehiculonan.

Gobierno a scoge pa mantene e texto amplio, sin menciona productonan  specifico, pa cubri cualkier metodo of dispositivo cu por afecta e legibilidad di e placa.

Segun Gobierno, e cambio ta necesario pa garantisa cu nummerplaat di auto semper por wordo lesa y identifica, tanto door di personanan como door di sistemanan tecnologico. Violacion di e regla nobo lo wordo trata conforme e ley di trafico vigente.