Merca ta ataka tankero cu bandera di Corsou rumbo pa Iran

WASHINGTON – Merca ta bisa cu su forza militar a ataka un tankero di petroleo cu tabata navegando bou bandera di Corsou mientras e tabata rumbo pa e isla iraniano Kharg. Segun Comando Militar di Merca pa Medio Oriente (Centcom), e tankero a ignora varios advertencia y a purba kibra e blokeo maritimo cu Merca a imponi riba hafennan y costa di Iran.

Centcom a informa cu e tankero Belma, cu tabata bashi, tabata den awa internacional ora e tabata dirigi pa Kharg, un di e terminalnan mas importante pa exportacion di petroleo di Iran. Segun e autoridad militar, un avion militar americano a lansa misilnan Hellfire riba e chiminea di e barco, causando daño suficiente pa evita cu e por sigui su trayecto.

Merca a reintroduci e blokeo maritimo riba dianan cu ta bai of ta sali for di hafennan iraniano. Segun Centcom, durante e prome 24 ora di e operacion, dos otro barco comercial a cambia rumbo despues di ricibi advertencia.

Centcom tambe a publica imagennan di e operacion riba X. Te na momento di publicacion, autoridadnan iraniano ainda no a reacciona oficialmente riba e incidente.