Estudio: Fondonan europeo no ta garantisa crecemento economico

ORANJESTAD – E posibilidad pa Aruba haya acceso na mas fondo di Union Europeo no ta nifica automaticamente cu economia lo crece. Esaki ta un di e conclusionnan principal di e informe oficial di University of Curacao, publica riba e posible cambio di status europeo di e islanan caribense di Reino Hulandes.

Segun e estudio, aunke un status di UPG por duna acceso na fondo adicional di Bruselas, e resultado final lo depende di e capacidad di Aruba pa solicita, administra y justifica e proyectonan cu ta ricibi financiamiento.

E informe ta splica cu hopi region den Europa cu tin acceso na fondo europeo no semper logra un desaroyo economico sostenibel. Pa logra exito, e pais mester tin suficiente capacidad administrativo y tecnico pa transforma e inversionnan den resultado concreto pa pueblo.

E investigadornan ta enfatisa cu sin preparacion suficiente, un cambio di status por incluso crea riesgo financiero y administrativo. Click AKI pa e rapport completo.