Rey Willem-Alexander y Reina Máxima ta felicita Corsou cu Dia di Himno y Bandera

WILLEMSTAD – Rei Willem-Alexander y Reina Máxima a manda un mensahe caloroso na pueblo di Corsou cu motibo di Dia di Himno i Bandera, celebra awe, 2 di juli. Den nan felicitacion, e pareha real a destaca e orguyo nacional, cultura y confiansa den futuro cu ta caracteriza Corsou. Den e mensahe, nan a recorda cu awe tambe ta marca 75 aña desde cu e prome Conseho Insular di Corsou a reuni pa prome biaha, un momento historico den e desaroyo constitucional di e isla. E Rey y Reina a expresa cu nan ta mira Corsou como un pais cu hopi auto-confiansa den Reino di Hulanda y cu nan ta sinti nan mes profundamente conecta cu pueblo di Corsou. Nan a termina nan mensahe deseando tur Corsou un feliz y digno celebracion di Dia di Himno i Bandera.

MENSAHE COMPLETO

“Awe, exactamente 75 aña pasa, e prome Conseho Insular di Corsou a reuni riba 2 di juli. Riba Dia di Himno y Bandera, bo dia nacional, bo ta celebra bo cultura vibrante, bo energia positivo y bo fe den futuro. Ta un maraviya di tin un pais cu tanto auto-confiansa manera Corsou den nos Reino. Nos ta sinti nos profundamente conecta cu boso y ta desea tur Corsou un dia di fiesta maravilloso.”

— Rey Willem-Alexander y Reina Máxima