Subfiscalnan na Aruba ta profundisa conocemento riba aresto, listramento y confisca

SANTA CRUZ – Subfiscalnan na Aruba a ricibi informacion y profundisacion tocante varios aspecto importante di proceso penal, incluyendo listramento, aresto, confisca y jurisprudencia. E temanan aki tabata parti di un programa intensivo di un dia dirigi na tur subfiscalnan di Aruba.

E enfasis tabata riba conocemento practico y hudicial cu subfiscalnan mester den nan trabou, particularmente ora tin di trata cu investigacionnan unda autoridadnan mester haci entrada y listramento, detene sospechosonan of confisca propiedad y otro evidencia.

Entre e expertonan cu a comparti nan conocemento tabatin Huez-Comisario mr. U.I.D. Luydens, Abogado-General mr. C.A. Kardol, fiscal di husticia mr. A. Schotman, A. Flemming di AAA y drs. mr. M.A. van Loon.

E participantenan a haci varios pregunta durante e sesionnan, creando espacio pa profundisa riba e aplicacion di e diferente reglanan y jurisprudencia den practica.

E informacion comparti ta importante pasobra decisionnan relaciona cu aresto, listramento y confisca ta forma parti di e proceso di investigacion penal y mester wordo aplica conforme cu ley y hurisprudencia.