Aruba ta forma parti di e islanan cu riesgo di inundacion, erosion y hasta desaparicion completo

Aruba ta forma parti di e islanan cu riesgo di inundacion, erosion y hasta desaparicion completo

Posted on 02/4/2026 11:13 am AST | Updated on 02/4/2026 11:13 am AST

MIAMI / ORANJESTAD  - Un estudio publica den Nature Communications a revela cu e Regionan Ultraperiferico di Europa y Teritorio di Ultramar por ta enfrenta e peligro mas grandi como resultado di subida futuro di nivel di laman. Y Aruba ta riba e lista aki.  Hopi di e lugarnan aki ta islanan bashi, loke ta laga nan mas vulnerable pa condicionnan adverso. Ademas, mayoria di e teritorio aki tin recursonan limita pa adapta nan mes na e awa cu ta sigui drenta. Esaki por resulta den desplazamento di hopi hende y perdida economico enorme. Apesar cu varios Estado Islanan Chikito en Desaroyo y otro isla a ricibi mas atencion for di cientificonan y hacedor di politica, e vulnerabilidad di nan pa subida di nivel di laman a keda casi invisibel. “Esaki ta inclui destinacionnan turistico popular manera Aruba, Martinique y St Maarten.”

CON SUBIDA DI NIVEL DI LAMAN TA UN PELIGRO SERIO PA TERITORIO DI E ISLANAN?

Segun e investigadornan, bou di un escenario di contaminacion halto, casi 3.000 kilometro cuadra di tereno lo keda inunda pa aña 2150. Un tercio di e daño aki lo wordo causa pa inundacion di laman, mientras cu 150 kilometro cuadrado di terreno lo wordo perdi pa erosion costero. “Cambio climatico y e subida consecuente di nivel di laman ta proyecta pa tin un impacto sustancial riba comunidadnan costero pa medio di erosion y inundacion,” e investigadornan a nota. “Nivel di laman ta subi cada vez mas lihe, y hasta bou di politica estricto pa mitiga cambio climatico, mundo ta comprometido cu un subida adicional di nivel medio di laman di por lo menos 50 centimetro pa aña 2150.”

No solamente esaki lo pone na peligro e seguridad di miles di hende den e comunidatnan islanan, pero economianan local tambe por sufri golpe fuerte. Desde turismo disminui den Islanan Canario y Polinesia Frances hasta industria di pesca afecta den Saint Pierre, Miquelon y Guiana Frances, e perdida economico por ta extremo den algun caso.

KICO TA WORDO HACI CONTRA E POSIBLE DAÑO DI SUBIDA DI NIVEL DI LAMAN?

Den nan estudio, e investigadornan a indica cu uso di medida di mitigacion ta probablemente e mihor oportunidad pa e teritorio di e islanan sobrevivi. Esakinan por varia desde structuranan humano manera muraya di laman y porta di tormenta, te na barrera natural manera manglar y humedal.

“Den cualkier caso, considerando e nivelnan projecta di subida di laman, barrera impermeabel contra awa lo ta probablemente esencial pa proteha asentamientonan clave y infraestructura critico contra inundacion,” e estudio a declara.

Apesar cu ta wordo desaroya esfuerzo di mitigacion cu por proteha comunidadnan vulnerable, e investigadornan a nota cu tin algun obstaculo serio.

“Pa motibo di e naturaleza remoto di hopi Regionan Ultraperiferico y Teritorio di Ultramar, esfuerzo di adaptacion mester enfrenta desafio practico y logistico. Capacidad financiero tambe ta varia entre teritorio,” e investigadornan a agrega. “Sinembargo, como parti integral di Union Europeo, mayoria di e regionan aki tin acceso na instrumentonan di financiamiento Europeo, incluyendo fondo di cohesion y infraestructura.”

 

  • Powered by SETAR