Coalicion nobo hulandes a presenta nan acuerdo official: A corta den salud

DEN HAAG - E coalicion di D66, VVD y CDA kier “traha riba un Hulanda miho”. “Nos ta kere cu e sociedad kier atrobe un politica cu ta mustra cu, cu otro   ta logra mas cu contra otro,” asina   e prologo di Jetten (D66), Yesilgoz (VVD) y Bontenbal (CDA) a bisa diabierna.

E tres partidonan kier logra kibra  cu politica di stikstof y mercado di casnan. Mes momento nan ta adverti cu esaki lo nifica “traha duro” y cu cada euro por wordo gasta solamente un biaha. Hulanda mester, di biaha, “tuma un paso atras”, pa laga placa sobra pa inversionnan den futuro.

Pa defensa, por ehempel, lo destina 19 mil miyon euro den e añanan benidero. Tambe lo tin recorte grandi, por ehempel riba cuido di salubridad y seguridad social.

Pa tur e plan nan ta aplica: Ainda no tin un mayoria den Parlamento. Pesey, e resultado ta depende di e conversacionnan cu partidonan di oposicion pa mira si e plan nan lo sigui dilanti, no, of si nan lo wordo ajusta.