KLM, TUI y Corendon ta cancela buelonan pa nos region

AMSTERDAM – E espacio aereo di Corsou ta sera diasabra como resultado di e atake riba Venezuela, cu ta hasi cu vuelonan no lo por continua pa e momento. Corendon ta cancela e vuelo di diasabra.

Un vocero di Corendon ta informa cu pasaheronan cu tabata programa pa bula 3 di januari for di Corsou pa Amsterdam lo wordo arregla hospedahe. “Nos ta aspira pa hiba tur hende lo mas lihe  posible pa Amsterdam.” Ta trata di mas of menos 250 pasahero cu a keda pega na Corsou. Clientenan cu tabata programa pa sali diasabra for di Schiphol lo ricibi nan placa bek, segun e organisacion di biahe.

KLM ta mira ainda si e vuelonan mas laat awe lo por sigui, cu tabata programa pa Corsou, Aruba, Boneiro, Sint-Maarten, Port of Spain, Georgetown y Bridgetown. “Na e momento aki e vuelonan ta atrasa. Mas laat awe lo wordo dicidi si e vuelonan por wordo ehecuta,” segun un portavoz di KLM. “Pa algun otro destino, esaki ta significa cu e ruta mester wordo ahusta. Nos ta sigui e situacion di cerca y mas laat awe nos lo dicidi si e vuelonan programa pa e destinonan menciona lo por wordo ejecuta.”

Segun KLM, pa awor ta trata di un cierre di espacio aereo di 24 ora. Mas of menos 1200 pasahero di KLM ta afecta pa e situacion na Venezuela.

Segun dato di EUClaim, diasabra tin seis vuelo programa pa Caribe Hulandes di TUI, Corendon y KLM. TUI cu tres avion, KLM cu dos y Corendon cu un vuelo.

Donald Trump ta claim cu tropa Mericano a captura presidente Venezolano Maduro.

TUI ta bisa cu diasabra mas laat den dia lo dicidi si e tres vuelonan lo por sali. “Naturalmente, seguridad di nos pasahero y tripulacion ta bini prome,” segun un portavoz. Dato ta mustra cu algun salida di TUI awor ta programa 24 ora mas laat.

Tin hopi Hulandes na Corsou pa motibo di vacacion di Pasco. “Si bo ta ey, en principio no tin mester di preocupa pa seguridad. Sinembargo, ningun vuelo lo por aterrisa den e proximo 24 ora, cu ta nifica cu e organisacion di biahe of aerolinea mester cuida pa hospedahe,” segun director Frank Radstake di ANVR.