Na Corsou tin yamada pa un fondo di media independiente

WILLEMSTAD – Fundacion Kòrsou Transparente ta pidi pa mas colaboracion cu institutonan di media regional manera Media Institute of the Caribbean y pa crea un fondo di media independiente na Corsou. Esaki ta sali den un declaracion di e fundacion den ocasion di Dia Internacional contra Corrupcion, ayera. Segun e organisacion, un fondo asina ta necesario pa fortalece periodismo di calidad sostenibel y resistencia democratico riba isla. Media Institute of the Caribbean ta sirbi como un centro di conocimiento regional cu ta konekta medianan caribeño cu fondo internacional, entrenamiento y bolsa pa investigacion.

Corsou por, segun Kòrsou Transparente:

Uni den e mes red di cooperacion of crea un fondo propio, maneha door di un fundacion independiente cu representantenan di periodismo y organisacionnan social

PERIODISMO DI INVESTIGACION

E fondo propone no mester subvenciona medio directamente, sino:

Inverti den periodismo di investigacion

Formacion profesional

Cooperacion entre islanan

Innovacion den media digital y datajournalismo

Segun Kòrsou Transparente, asina por fortalece structuralmente e posicion di periodismo independiente.

E fundacion ta mira e fondo di media como parti di un agenda mas amplio pa mehora transparencia y responsabilidat publico na Corsou. Caminda informacion ta wordo para of siña, corrupcion tin mas espasio; mientras cu transparencia ta crea mas confia den gobierno publico, segun e organisacion.