- Departamento di Relacionnan Exterior ta adverti pa no biaha of nabega pa Venezuela
- Corsou a keda selecta den grupo E, cu Alemania, Ecuador y Costa di Marfil pa mundial 2026
- Debi na crisis den region, prome minister di Corsou, Pisas tambe a cancela biahe pa Hulanda
- Sorteo mundial di futbol: Hulanda contra Japon, Tunez y un otro campion di play-off cu ainda no ta conoci
- Corte a dicidi: Dos ‘spiritonan’ den caso Flamingo mester paga placa bek
DCA: Problema cu Airbus por nifica cancelacion di algun buelo pa Aruba
ORANJESTAD - E problema cu Airbus a raporta diabiernba, por nifica cancelacion di algun buelo pa Aruba pa posiblemente dos siman. Asina director di Directie Luchtvaart Aruba, Edwin Kelly a bisa diasabra. Esaki ta pasobra e avion tipo Airbus A320 ta un di e avionnan mas usa na mundo. “Door cu e biaha aki un cantidad asina grandi di e tipo di avionnan aki ta afecta, esaki lo tin como consecuencia cu aerolineanan afecta lo haya nan mes ta cancela cierto vuelonan. Aruba lo no ta un exepcion, lo por spera algun vuelo pa Aruba wordo cancela, door cu e tipo di avion Airbus A320 ta hopi usa pa vuelonan pa Aruba door di diferente aerolineanan” Kelly a sigui bisa. Ta premira cu e situacion aki lo dura por lo menos un pa dos siman. Pa e motibo ey ta conseha pasaheronan di aerolineanan cu ta usa e tipo di avion aki pa keda den contacto cu nan aerolinea y tambe pa monitorea e website di nos aeropuerto.
E SITUACION
Manera Noticiacla a raporta caba, ayera 28 di november 2025 e autoridad di aviacion Europeo (EASA) a emiti un directiva technico obligatorio (“Airworthiness Directive”) cu ta aplica pa avionnan tipo Airbus A320. E directiva aki ta instrui usuarionan di avionan Airbus A320 pa reemplaza/modifica un pieza (“elevator aileron computer”) prome cu e siguiente vuelo. E computer aki ta controla e movemento di nanishi (ariba/abow) y hala (ariba/abow) di e avion. Ta premira cu e directiva aki lo ta aplicabel pa un gran cantidad di e avionnan A320 den servicio mundialmente, y tur avion afecta lo mester wordo para pa por haci e modificacion.
“AIRWORTHINESS DIRECTIVE” Y SEGURIDAD
Den mundo di aviacion e ta algo comun cu un directiva asina ta wordo emiti. Esaki ta wordo haci pa mehora e seguridad di e tipo di avion concerni, a base di feedback operacional. Loke no ta hopi comun ta cu un cantidad grandi asina di avionnan ta wordo afecta na mes un momento, manera awor ta e caso. Mester bisa cu e avionnan tipo Airbus 320 cu si ta keda bula ta avionnan cu no ta afecta door di e directiva, of ta avionnan cu a wordo modifica caba segun e directiva. Tambe ta importante pa trece dilanti cu en general e avion tipo Airbus A320 riba su mes ta un avion sigur cu un bon safety record.
Aruba a ricibi mas cu 7 miyon euro di fondo EU
ORANJESTAD – Aruba a ricibi mas cu 7,2 miyon euro di subsidio for di programa di Union Europeo durante e periodo 2021 te 2024. E placa aki a keda dividi entre cerca 65 proyecto, cu mas o menos binti organisacion ta participa. Esaki ta sali den un reporte tocante participacion di pais y teritorio den ultramar den e programa di subsidio europeo.
Lotto Aruba: Cachi Cachi Christmas Edition ta on
Aeropuerto a organisa un ‘townhall meeting’ pa informa tocante e cambionan benidero
ORANJESTAD– Aruba Airport Authority N.V. (AUA) a organisa dos townhall meeting pa informa e comunidad di aeropuerto tocante e cambionan importante cu lo sosode pronto na Aeropuerto Internacional Reina Beatrix como parti di e proyecto Gateway 2030. E sesionnan, cu a tuma luga den e US Check In Hall bieu for di 9:00 di mainta te cu 6:00 di atardi, a trece hunto diferente partner cu ta opera riba un base diario na aeropuerto pa asina por haya un splicacion detaya riba e fasenan actual y proximo di construccion como parti di e proyecto Gateway 2030.
AFTA: Mas importacion paralelo lo baha prijsnan
ORANJESTAD - Aruba Fair Trade Authority (AFTA) a realisa un investigacion di mercado riba distribucion di cuminda y otro productonan esencial. AFTA a conclui cu pa hopi producto di marca cu ta wordo bendi rond di Aruba, tin solamente un distribuidor. Esaki ta reduci competencia y ta resulta den prijsnan mas halto. Si productonan di mesun marca ta wordo importa pa otro distribuidor via importacion paralelo, lo tin mas competencia y esaki lo baha e prijsnan. Restriccion di importacion paralelo ta prohibi. AFTA por impone boet den caso di violacion.
Lotto Aruba tin Lotto di Dia Sinterklaas Roll Down Special awe!
Salario minimo di Aruba ta drenta na vigor 1 januari 2026 oficialmente
ORANJESTAD – E ley nobo tocante salario minimo na Aruba lo drenta oficialmente den vigor dia 1 di januari 2026. Esaki ta cla den Afkondigingsblad 2025 no. 34, caminda e desicion pa pone den vigor e cambio anterior den landsverordening salario minimo a wordo publica. Cu e desicion aki, e ley di Afkondigingsblad 2025 no. 27 ta wordo formalmente activa. Den e ley nobo ta wordo establece cu e salario minimo lo wordo fiha pa ora, enbez di pa dia, siman of luna manera tabata antes. Sin e desicion formal, e cambio juridico ainda no tabata den vigor.
Follow NoticiaCla
