Na Corsou, personal di Departamento di Impuesto a pone trabou ayera

Posted on 10/29/2025 9:18 am AST | Updated on 10/29/2025 9:33 am AST

WILLEMSTAD – Personal di Departamento di Impuesto na Regentesselaan a pone trabou ayera. E empleado nan a keha cu sindicato ABVO tocante un edificio insigur y tambe tocante uso di consultornan externo, segun e matutino Extra.Un reporte di bombero cu a circula riba red social a causa panico tocante seguridad di e edificio. Empleadonan a bisa cu tabatin cuatro incidente caminda plafon a cay: tres den baño y uno den sala di reunion. Ningiun persona no a keda lesiona. Ademas, e trabadornan ta bisa cu tin forma di moho y lugarnan caminda awa ta baha riba muraya.

CRITICA RIBA CONSULTORNAN

E personal tambe tin critica riba dos consultor cu ta traha den e departamento. Un consultor Hulandes-Europeo cu a traha pa ex-minister Javier Silvania, segun empleadonan, tin acceso na dato fiscal di ciudadanonan y mes ta yama nan directo tocante nan asunto. Den un caso, trabadornan di impuesto a tene cu tuma contacto cu e consultor aki pa un dosier fiscal, paso e tabatin tur e informacion. Un di dos consultor ta funciona manera hefe y ta evalua empleadonan. E ta dicidi ken ta haya o no compensacion, algo cu ta causa descontento. Tambe tin descontento tocante e reciente evaluacion di funcion. Un grupo di empleadonan a subi di escala 5 pa escala 8. Coleganan cu ta den mes nivel no ta compronde esaki: nan tin mas tarea pero no ta krese. Silvania tabata a pidi anteriormente pa warda te cu implementacion di e Nobo Departamento di Impuesto, ora cu tur funcion lo wordo reevalua. Empleadonan no ta satisfecho cu esaki.

TRABOU A CUMINZA BEK

Despues di un comber sa cu sindicato, hopi empleado a cuminza bek su trabou medio dia. ABVO a papia cu e hefe interino cu ta reemplasa Trona temporalmente. E sindicato a bisa cu anteriorment nan ya a manda mensahe na prome minister Pisas tocante e report di bombero, pero no a ricibi respuesta. Minister di Finansa Charles Cooper a bisa cu Departamento di Impuesto ta habri normalmente awe. Tres di e cuatro kehonan di ABVO no mester wordo soluciona na nivel ministerial, sino pa e direccion di e departamento mes. E kehonan tocante consultor, e lo trata nan e otro diahuebs den Conseho di Minister. Cooper a enfatisa cu empleado nan tin derecho di baha trabou, pero e ta aplica awe e principio no work, no pay.

Pasashi for di Corsou ta aumenta otro aña debi na aumento di tarifa APIS
WILLEMSTAD – Pasaheronan cu ta sali for di aeropuerto di Corsou lo paga 2,79 dollar di tarifa APIS cuminsando prome di januari di aña 2026. E tarifa ta subi cu cinco cent y lo wordo cobra via e aeroliña den e prijs di e pasashi.
Mas Corsow
Lesa Mas
Gobierno di Corsou ta duna ex gobernador Lucille George-Wout un estatua
WILLEMSTAD – Un artista local ta bai disena un homenahe permanente pa ex gobernador Lucille George-Wout. E obra di arte lo wordo coloca den centro di Willemstad. Esaki a wordo anuncia door premier Gilbert Pisas durante un cena di despedida dia bierna pasa den The Cathedral of Thorns. E homenahe aki mester simbolisa e diesdos aña di servicio di e gobernador y su conexion cu e conseho di ministro, e Reino y mas importantemente cu e comunidad di Corsou.
Mas Corsow
Lesa Mas
Dos cara hoben nobo den seleccion di futbol di Corsou
WILLEMSTAD – Ayer entrenador di e seleccion di futbol di Corsou, Dick Advocaat a presenta dos cara nobo riba e lista definitivo di e seleccion. Ta trata di Deveron Fonville y Jordi Paulina.
Mas Corsow
Lesa Mas
Na Corsou segun FKP mitar di esnan cu ta huur cas, no ta paga
WILLEMSTAD.– Un di e disputonan cu ta bin hopi dilanti den corte pa tratamento, ta disputa relaciona cu mal pagadornan di huur di caso. Pago di huur di caso aki na Corsou ta un problema serio. Hopi hende ta huur un caso sea di sector priva of di Fundacion Cas Popular (FKP), pero no ta paga, i e loke ta haci e situacion mas dificil ta cu tin ley cu ta proteha e grupo aki, cu ta haci dificil pa desaloha un mal pagador. Un di e entidadnan cu ta keda perhudica seriamente ta FKP. Durante tratamento di un disputa di cobransa di huur atrasa, a sali cla kico ta e dolor di FKP.
Mas Corsow
Lesa Mas
Ruthsella Agueda Jansen nombra como gobernador interino nobo di Corsou
WILLEMSTAD – Ruthsella Agueda Jansen lo bira e gobernador interino nobo di Corsou. E Conseho Ministerial di Reino a nombre segun recomendacion di e Conseho Ministerial di Corsou. Jansen ta reemplasa e actual gobernador interino Michele Russel-Capriles, cual mandato a caba dia 1 di september.
Mas Corsow
Lesa Mas
Na Corsou, pensionadonan ta sali riba caya awe pa indexacion -AOV
WILLEMSTAD – Union di Pensionadonan di Corsou a yama su miembro pa sali na manifestacion awe, pa pidi pago rapido di e indexacion di AOV. Segun e organizacion, e ehecucion di e adaptacion legal di pension di biehez ta sigui falta, mientras cu e gasto halto riba e isla ta sigui pone mas presion riba e pensionadonan. E manifestacion lo cuminsa awe merdia riba 13:30 na parking di Parasasa. For di ey, e participante lo cana te na World Trade Center, caminda lo entrega un carta na minister di Desaroyo Social, Labor y Bienestar (SOAW).
Mas Corsow
Lesa Mas