Depay ta uni cu ultimo entrenamiento di Oranje despues di retraso pa motibo di pasaporte perdi

AMSTERDAM - Memphis Depay a participa diaranson mainta pa prome biaha durante e periodo di partido internacional aki den entrenamiento di seleccion Hulandes. E goleador mas grandi den historia di Oranje a yega mas despues cu tabata planifica na Hulanda pa motibo di un pasaporte perdi. Tabata e intencion cu Depay, mescos cu e otro hungadornan, a reporta su presencia dia lunes na Zeist. Pero e delantero no por a bula for di Brasil pasobra el no tabatin su pasaporte. Finalmente el a logra biaha mas despues cu un documento temporal pa yega na Hulanda. Awetardi Depay lo biaha cu e seleccion Hulandes pa Malta, caminda djuebes lo wordo hunga e cinco partido di kwalificashon pa Mundial. Oranje ta na cabez di grupo G cu dies punto. Polonia tin mesun cantidad di punto, pero tambe un partido mas hunga.

SIN LUGA DEN FORMACION PRINCIPAL

Entrenador nacional Ronald Koeman a bisa dialuna cu Depay sigur no lo ta den e formacion principal contra Malta.