Dos persona a fayece den un atake riba sinagoga britanico

MANCHESTER – Den un atake riba un sinagoga den ciudad britanico Manchester, segun polis dos persona a perde bida. Polisnan a tira riba un sospechoso. Polis a bisa cu e sospechoso aparentemente a muri tambe, pero esaki no por wordo confirma ainda pa motibo di seguridad. Polis a referi na “obehton sospechoso” cu e tabatin cu dje. Servicio pa kita eksplosivonan ta presente na sinagoga. Tres otro persona a ricibi herida y ta den estado critico, segun polis. Awe ta Yom Kipur, e dia di fiesta mas importante den religion judio. Segun alcade di Manchester, tabatin un reunion den e sinagoga den bario Crumpsall pa motibo di e fecha aki.