Mas di 25 chauffeur a haya multa di polis durante control na Oranjestad

ORANJESTAD - Diaranson atardi pa anochi polis di Oranjestad a tene un control na diferente lugarnan strategico. E control tabata basa riba transporte publico. Durante e control DTP tambe tabata presente. Tur loke ta taxi, bus, transporte priva y tours nan documentonan y permiso a wordo controla. 

Polis di Oranjestad,  Polis motorisa y DTP a logra controla un totaal di 168 vehiculo di transporte publico unda cu 30 chauffeur a haya multa pa diferente infraccionan incluso un rijverbod. DTP a logra duna 34 rapport na e chaufernan cu no a cumpli cu e rekisitonan di nan permiso.

Por bisa cu durante e control, un paar di chauffeur no tabata mucho di acuerdo mirando cu nan a haya un multa. Pero mayoria  a comenta cu esaki ta un bon iniciativa y hopi positivo pa loke ta trata transporte publico.  Polisnan di districto di Oranjestad lo keda haci nan control durante e dianan nos dilanti.