Corte: Parlamento por prohibi Otmar Oduber pa representa Parlamento den exterior

ORANJESTAD – Corte a rechasa e peticion di parlamentario Otmar Oduber (PPA) pa ordena Parlamento pa retira e prohibicion di biahe di e parlamentario. Parlamento na April ultimo a dicidi pa aplica e regla introduci na 2019 pa prohibi un parlamentario pa biaha, si e ta sospechoso den un caso. Oduber a keda sentencia na januari di e aña aki, pa cual tin un apelacion andando, cu lo keda presenta na October di e aña aki. Mientras cu e huez ta di acuerdo cu e prohibicion pa e biaha ta stroba Oduber su pakete di eherce su trabou, e ta compronde tambe cu ta necesario pa prohibi Oduber di ta parti di Parlamento. ‘Parlamento ta hefe den su propio cas y por dicidi nan propio regla’, e huez ta bisa. E huez por mete solament den caso special, unda cu parlamentario no por eherce su otro funcionan. Den e caso aki, cu e parlamentario por traha ley, vota y otro asuntonan parlamentario. Huez den e sentencia tambe ta papia cu mester tene cuidou pa no mete cu e ‘trias politica’, y pesey ta rechasa e peticion di Oduber. Por lesa e sentencia completo AKI