Defensa ta train dunamento di yudansa durante un emergencia na Isla Ariba

PHILLIPSBURG — Defensa Region Caribe durante e dos simanan siguiente lo tin un ehersicio di dunamento di yudansa durante un emergencia na Sint Maarten, Saba y Sint Eustatius. Durante e ehercisio anual aki, cu e nomber Calm Horizon, soldadnan ta train hunto cu socionan di siguridad local, pa asina yuda pa subi nan preparacion y fortifica e cooperacion, cu e meta pa desplega personal militar rapidamente y cu eficacia despues cu un horcan pasa.

Partisipando den Calm Horizon tin diferente unidad di Defensa. Tambe e barco di Marina Zr. Ms. Pelikaan, botonan di intersepcion rapido (FRISC), y unidadnan di sosten ta parti di e ehercisio anual pa duna asistencia inmediato na momento di un horcan. E unidadnan ta haci ehercisionan riba un base di rotacion na Sint Maarten, Saba y Sint Eustatius. E actividadnan aki ta yuda soldadonan familiarisa cu e circunstancianan specifico riba e islanan y colabora cu partnernan local, manera organisacionnan di gobierno, organisacionnan no-gubernamental y companianan cu ta tin un rol importante den asistencia di emergencia.

Haci un ehercisio manera Calm Horizon na Islanan Ariba ta asegura cu e soldadonan ta optimalmente prepara pa duna yudansa di emergencia, sostene autoridadnan civil y mantene orden publico mesora despues cu e tormenta pasa. Esaki ta un di e tres tarea principal di Ministerio di Defensa den Region Caribe.