Minister Brekelmans a papia cu autoridad di parti Caribeno di Reino riba situacion den Caribe

DEN HAAG  - Minister hulandes di Asuntunan di Exterior Ruben Brekelmans a papia diahuebs cu premier Pisas (Curacao), gezaghebber Soliano (Boneiro) y un representante di premier Eman (Aruba), tocante desaroyonan actual den region, incluyendo presencia militar di Merica den Laman Caribense. Minister Brekelmans a subraya cu presencia actual di Merica ta primariamente dirigi na operacionnan contra droga den awa internacional y cu Reino no ta involucra aden. Na mes momento Hulanda ta sigui den dialogo cu partidonan relevante pa defende interes di Reino. Minister Brekelmans: “Nos ta un Reino. Precisamente awor e ta importante pa nos informa otro rapidamente, completo y cla. Den e manera aki nos ta keda alerta hunto, nos ta duna stabilidad y cla na nos habitantenan y nos ta proteha nos economia.” Autoridadnan di Corsou, Boneiro y Aruba a enfatisa den e reunion cu situacion ta sinti hopi cerca aden. P’esei comunicacion rapido y cla ta importante pa por informa bon habitanten y bishitanten. Durante e reunion a wordo acorda pa sigui sigui sigui di serca e situacion, pa fortifica e linea di comunicacion cu ta existi y pa keda na un bon coordinacion hunto. potret cortesia Dossierkoninkrijksrelaties