Ex chauffeur di ex prome minister ta den corte aki dos siman pa abuso sexual

ORANJESTAD – Ex chauffeur di ex prome minister Evelyn Wever Croes, esta Siki K., tin cu aparece den corte pa un caso di abuso sexual, dia 19 di september proximo. Asina documentonan di corte publica diaranson (awe) ta mustra. E caso ta programa pa cuminsa pa 9:15 am. Siki ta wordo acusa di abuso sexual di un persona bao di 16 aña di edad y di posesion di arma di candela entre 2015 y mei 2023. 

DETENCION 

Riba 21 di maart ultimo, Huez a dicidi, riba peticion di Fiscal di Husticia, pa duna ordo pa detencion (gevangenhouding) di e sospechoso K. pa un termino di 90 dia, den cuadro di un investigacion di delitonan sexual. Vocero di Ministerio Publico Ann Angela confirma esaki pa noticiacla e tempo ey.  Prome cu e periodo aki lo a termina, e sospechoso mester a wordo presenta (pro-forma) dilanti Corte den Prome Instancia.  .

E PERSONA

K.  tabata ambtenaar di funcion y durante periodo di gabinete Wever-Croes 1 y 2, a fungi como chauffeur pa prome minister di Aruba Evelyn Wever-Croes.