- Gabinete Pisas a pidi retiro di dos di su ministernan di su gabinete
- Opinion: E post cu tur sa tabata bin: clapchi.
- AZV a lanza logo relaciona cu 25 aña di seguro AZV
- VIDEO: Grupo di prensa local a conoce e restaurant mas nobo ‘Gaia House of Grill’ na JOIA Aruba
- Famia di turista cu a muri tragicamente na Aruba, ta papia, y curpa ta 'pega' na Aruba ainda
Den cuadro di Art Week Aruba, stacion di polis San Nicolas a haya su mural
SAN NICOLAS - Art Week Aruba a anuncia cu e artista Mexicano Carlos Alberto a termina e mural extraordinario na e stacion di polis na San Nicolas: un obra cu ta conta dos capitulo; e prome ora el a pinta e banda drechi aña pasa y e di dos, e aña ki ora el a caba e banda robes.
Un aña atras, Carlos a cuminsa sin mucho entusiasmo of apoyo di cuerpo policial, pero hopi cos por cambia den un aña, pasobra awo e agentenan policial a sigui e proceso di cerca motivando e artista y aceptando e mural cu gradicimento.
Diamars ultimo, agentenan di pariba a compaña y motiva e artista. Ora e ultimo pasa di cuashi a cay, tur a celebra e momento cu un potret pret den grupo, marcando un etapa nobo: un stacion cu ta sinti mas cerca di su bario.
E obra ta un regalo pa Aruba: un recordatorio cu husticia sin humanidad ta derecho sin alma, y cu arte por sigui habri porta pa un futuro mas husto y bunita pa tur hende.
E tema central di Art Week Aruba 2025 ta husticia. E mural ta invita nos pa mira e stacion di polis door di un otro lens: no como “malo” of distante, sino como bisiña den comunidad. E obra ta manda un mensahe simpel y potente: polis tambe ta hende y cada persona tin poder pa preveni situacion cu por hiba bo na duna cuenta na polis of husticia. Husticia ta cuminsa cu decision chikito di respet, dialogo y wak pa otro.
Art Week Aruba ta gradici Cuerpo Policial Aruba y e comunidad di San Nicolas pa duna espacio y fe den e proceso.
Polis na chauffeur cu a hit & run den Bernardstraat: Entrega bo mes!
SAN NICOLAS - Cuerpo Policial diahuebs anochi a haci un yamada urgentee na chauffeur cu a hit & run den Bernardstraat: Entrega bo mes! Esaki ta otro caso den menos di un siman, unda cu un automobilista ta atropeya un peaton y ta sigui core bay envez di para na e sitio. Tabata diahuebs pa 9:20 di anochi cu Central di Polis a wordo notifica cu dilanti Warda di Polis San Nicolas un auto a dal un peaton crusando caminda.
Chauffeur cu a causa hit & run diahuebs anochi, a entrega su mes
SAN NICOLAS – E chauffeur hende homber den e caso di hit and run di ayera nochi riba e caminda di Bernardstraat a presenta awe mainta na warda di polis San Nicolas. Asina vocero di polis Liliana Rasmijn a confirma diabierna mainta. “ Departamento di Trafico ta bezig cu e investigacion”. Segun Rasmijn, pa loke ta e victima, esaki ainda su situacion ta critico.
Famia di cinco a perde tur cos den candela di cas na San Nicolas
SAN NICOLAS – Un famia di cinco a keda sin dak diahuebs despues cu un cas riba Bernhardstraat 112 den San Nicolas a kima completamente y ta buscando ayudo. E residente Emiliano Paredes-Garcia, cu ta bini di Republica Dominicana, a perde tur su pertenencia. Paredes-Garcia a bisa cu el tabata drumi mainta ora huma a lant’e foi soño. Ora e la sali pa wak kiko tabata pasa, e cas ya tabata na candela. E no por a hasi nada mas sino sali for di cas. Ainda no tin claridad tocante kiko a causa e candela. Den cas tabatin cinco persona, incluyendo un amiga di famia, su yernanan y dos nieto di un aña y cuater aña. Pa motibo di candela, e cas a keda destrui total y e famia a keda sin ropa, muebel y sin un lugar pa keda.
Aruba ta conoce su di 3 morto di trafico pa 2026 den 7 dia
ORANJESTAD - Diamars mainta pa 9:15 Central di Polis a wordo notifica di un accidente pisa riba e caminda principal Seroe Teishi. E prome informe ta indica cu un auto lo mester a bolter y e chauffeur no ta reacciona. A despacha polis como tambe ambulance cu maximo urgencia na e sitio. Na yega di polis enberdad a topa cu un Toyota Yaris color blauw numera A-69472 y e chauffeur situacion tabata grave. Ambulance ta yega na e sitio di e sucedido y ta brinda e prome assistencia medico pa despues stabelisa e victima y bay cune cu maximo urgencia pa Hospital. Specialista di trafico y polis technico a presenta pa haci nan investigacion. Departamento di slachtofferhulp tambe a wordo notifica pa brinda sosten na e victima y su famia.
Aruba ta conoce su prome dos mortonan di trafico pa 2026
ORANJESTAD – Apenas 5 dia cu aña a habri, Aruba a conoce su prome dos mortonan di trafico caba pa 2026. Diadomingo pa 11:58 di anochi Central di Polis a wordo notifica di un accidente pisa riba L.G. Smith Blvd na altura di Wind Creek Casino unda un auto modelo SUV color preto a alcansa dos peaton y a sigui core bay.Central di Polis a despacha patruya y ambulance na e sitio di e sucedido cu maximo urgencia. Personal di ambulance a yega na e sitio y a duna asistencia medico na tur dos victima pero lamentabelmente no por a haci nada mas pa nan. Specialista di trafico, Dr Forensico y polis technico tabata presenta pa cuminsa nan investigacion, y departamento di slachtofferhulp tambe a presenta pa duna assistencia na e famia di e fayecidonan.
Tragedia envolviendo pareha turista na St Regis Hotel
ORANJESTAD - Diadomingo pa 8:44 di mainta Central di Polis ta wordo notifica cu na St.Regis Hotel un persona lo mester a cay di balcon y no ta duna señal di bida. Central di Polis a manda polis y como tambe ambulance na e sitio menciona. Na yegada di e unidad di polis enberdad nan a topa un hende homber cu no ta duna señal di bida.
Follow NoticiaCla
