Tweede Kamer ta interumpi recess pa debati riba situacion di Gaza

DEN HAAG – Representantenan di Tweede Kamer di Hulanda ta interumpi nan receso (vacantie di zomer) pa un debate di comision riba e situacion humanitario na Gaza. Un mayoria a sostene un peticion di e parlamentario di SP, Sarah Dobbe, djamars. E partidonan VVD, CDA, y ChristenUnie, sinembargo, prome kier mas informacion di e Comision Europeo y e gabinete. E debate probablemente lo tuma luga otro siman.

GroenLinks-PvdA, D66, PvdD, Forum voor Democratie, i Volt tambe a vota na fabor di e peticion pa debate. Siman pasa, un peticion similar di Kati Piri (GroenLinks-PvdA) y Jan Paternotte (D66) a wordo rechasa. E tempo ey entre otro VVD y CDA no a duna contesta. Mescos cu biaha pasa, PVV, NSC, BBB i SGP a bolbe vota contra di e peticion den un procedura di email.

E situacion ta diferente awor, Dobbe a skirbi den su peticion. Caspar Veldkamp a emiti un carta dialuna anochi den cual entre otro ta bisa cu dos minister Israeli controversial ta wordo prohibi di drenta Hulanda y cu e embahador Israeli a wordo convoca.

E partidonan VVD y CDA kier sa kico Comision Europeo tin pensa di haci y ta pidi gabinete pa contesta prome cu un debate tuma luga. Nan kier contesta tambe riba preguntanan scirbi cu nan a entrega anteriormente. Parlamentario di VVD, Eric van der Burg, a puntra entre otro si e gabinete por realisa drops di cuminda “si ta necesario y deseabel.”

E Minister responsabel, Caspar Veldkamp (Asuntunan Eksterior, NSC), a bisa diamars anochi cu  e “a regresa caba for di vacantie. Mi ta cla pa splica e politica den Tweed Kamer” Miembronan di Tweede Kamer a entrega un total di alrededor di ochenta pregunta, Veldkamp a bisa.