- Netflix ta trahando riba documental tocante desaparicion di Natalee Holloway
- Hospital a los nan videoclip di fin di aña cu Jeon y Coro Tutti Frutti ‘Salud na bo salud!”
- Na Hulanda, partidonan D66, VVD y CDA tin te 30 di januari 2026 pa sigui cu e ronda nobo di formacion
- ATA y APA a yama barco crucero MS Renaissance bonbini durante su bishita inaugural na Aruba
- Yiu di Machado ta ricibi Premio Nobel di Paz na nomber di su mama
DIMP: Ultimo oportunidad pa entrega e declaracion di inkomstenbelasting di aña 2023
ORANJESTAD – Departamento di Impuesto a caba di saca e cartanan di recordatorio (aanmaning) pa loke ta trata e formulario di inkomstenbelasting di aña 2023. E contribuyentenan cu a ricibi e formulario di declaracion 2023 y cu ainda no a entrega esaki, lo ricibi e carta menciona via post den e dianan venidero.
FECHA OFICIAL
E carta di recordatorio ta fecha 10 di juli 2025. E contribuyentenan cu ainda no a cumpli cu nan deber di entrega e declaracion di inkomstenbelasting 2023, ta haya algun dia mas pa cumpli. E ultimo dia cu mester entrega e declaracion ta 21 di juli 2025.
SI E DECLARACION TA ENTREGA CABA
Na e contribuyentenan cu mientrastanto a entrega nan declaracion di inkomstenbelasting 2023 y a ricibi e carta di recordatorio, Departamento di Impuesto ta pidi pa considera e carta aki como no manda.
INCUMPLIMENTO
Esaki ta un ultimo oportunidad. Si no entrega e declaracion 2023 of entrega esaki laat, esta despues di dia 21 di juli 2025, Inspector lo impone un boet na momento cu saca e cobransa definitivo. E boet ta 5% di e suma di impuesto y ta minimo Afl. 250,- y maximo Afl. 10.000,-. E boet aki no ta necesario si e contribuyente cumpli na tempo. Alabes, Inspector lo impone un cobransa taxativo na e contribuyentenan cu no a entrega e declaracion. E cobransa aki ta basa riba un calculacion di e entrada fiscal.
Ta importante pa menciona cu e termino legal pa entrega e declaracion di inkomstenbelasting 2023 a vence dia 9 di oktober 2024. A duna e contribuyentenan cu no a alcansa pa entrega nan declaracion di inkomstenbelasting 2023 promer cu e fecha menciona un termino di extension di 2 luna mas y esaki a vence dia 9 di december 2024.
Departamento di Impuesto ta haci un apelacion na e contribuyentenan cu ainda falta pa entrega nan declaracion di inkomstenbelasting di aña 2023, pa entrega esaki mas lihe posibel y no mas laat cu dia 21 di juli 2025 pa asina evita gastonan y consecuencianan indesea.
ATA y APA a yama barco crucero MS Renaissance bonbini durante su bishita inaugural na Aruba
ORANJESTAD - Dialuna dia 8 di december, Aruba Tourism Authority (A.T.A.) conhuntamente cu Aruba Ports Authority NV (APA NV) a yama bonbini na MS Renaissance durante su bishita inaugural na Aruba bou di su nomber nobo. Aunke esaki ta marca su prome bishita oficial como MS Renaissance, e no ta prome biaha e barco mes ta bishitando nos isla. E barco tabata nabega bou di e nomber MS Maasdam cu ta parti di Holland America Line. E barco a bishita Aruba pa prome biaha den 1993 y a sigui regresa pa decadanan.
Aruba ta forma parti di varios crucero cu Royal Caribbean a anuncia pa 2027
MIAMI - Den marco di plan di despliegue programa, e cruceronan di temporada den Caribbean di Royal Caribbean awor ta disponible pa reserva. Y ta notable cu varios di e barconan crucero di e liña ta inclui Aruba.
SETAR ta anuncia su Christmas Campaign “E Magia di Conexion”
Prijs di gasoline, diesel y kerosin ta aumenta diaranson atrobe
ORANJESTAD - Minister di Finansa, Asunto Economico y Sector Primario ta anuncia e prijsnan nobo di benta di combustibel entrante 10 di december 2025:
LaSorte (AHATA): Cancelacionan di turistanan mericano pa Aruba a cuminsa mengua poco
ORANJESTAD – Mientras cu e industria di turismo na Aruba ta sigui preocupa pa e situacion tenso den Caribe, e efecto negativo a cuminsa mengua poco. “Varios siman pasa nos a cuminsa mira cancelacion (di turistanan mericano:red) , pero ultimo tempo bookings ta OK atrobe y tin menos cancelacion” e CEO di Aruba Hotel & Tourism Association (AHATA), Tisa LaSorte a bisa Noticiacla diamars. “Semper turismo lo keda un industria fragil. Pesey nos ta hopi pendiente di kico ta pasando y por pasa den e region” LaSorte a continua bisando. E ta conciente cu . cualquier evenemento negativo por causa cu Mericano ta bira nervioso pa biaha pa Aruba. “ Pero na e momento aki nos no sa kiko ta bai pasa y kiko e consequencia lo ta pa Aruba” e CEO a finalisa bisando den su declaracion cortico pa e portal aki.
Aruba Bank a inaugura su Drive-Thru Center na Savaneta
Follow NoticiaCla
