- Eman no a logra convence partido ‘ainda’ pa Rene Herde reemplasa de Meza
- Arubaconus hieroglyphus ta un cocolishi endemico di lama
- Prijs di gasoline, diesel y kerosin ta subi basta diaranson awor
- Awe nochi Lotto ta laga bo bira miyonario di 1.5 miyon florin!
- E cantidad di morto pa motibo di inundacion di Texas a pasa 100
Jeon ta kibra silencio riba impasse cu Kenley Jansen
ORANJESTAD – “Nos ta produci musica y no enemistad”. Asina e artista Jonathan ‘Jeon Arvani’ Thiel, a inicia su comunicado den cual e ta splica e impasse cu a surgi entre e y e conocido pelotero y promotor di Corsou, Kenley Jansen. Jansen e siman aki a sorprende hopi durante un entrevista unda cu e la anuncia cu e ta stop contribucion cu varios artista incluyendo Jeon, y e banda ICONS di Corsou.
ACLARIA
“ Nos kier tuma e momento aki pa duna claridad riba e situacion lamentabel cu a surgi den publico entre Jeon y KJ74 Entertainment, di Kenley Jansen” e comunicado ta cuminsa bisa. “ Na inicio di aña 2025, a yega un acuerdo entre Jeon y KJ74 pa un total di 10 show: 5 na Corsou y 5 na Hulanda (exclusivo). E termino di e contract tabata hopi cla: un 50% deposito pa cada pais, cu e resto pa paga prome cu cada show. KJ74 a paga e 50% pa e shownan na Corsou, pero a pidi pa pospone e pago di e shownan na Hulanda, prome pa un luna, despues varios bes pa mas tempo. Basa riba e confiansa y e relacion profesional cu ya tabata existi, Jeon a mustra flexibilidad durante varios luna” Jeon ta bisa den e comunicado. Pero aparentemente Jansen, lo no a paga e otro parti, cu a crea e problema pa Jeon.
FALTA DI PAGO
“Despues di cinco luna sin pago y sin por tuma otro show exclusivo pa Hulanda, Jeon a indica cu esaki no tabata husto pa su carrera y a tuma e desicion pa retira su compromiso pa e shownan na Hulanda”. Jeon ta sigui bisa.TENSION
“Lamentablemente, esaki a crea tension den e relacion cu KJ74. Ta compronde cu Kenley Jansen tambe a sinti su mes molestia, pero e realidad ta cu tabata existi un acuerdo y e no a cumpli cu e termino acorda” Jeon ta continua bisando den e comunicado.
KICO AWOR?
Segun Jeon, e kier sigui cu comportacion respetuoso pa tur partido envolvi, pero tambe ta importante pa tin claridad riba e situacion. Jeon ta gradici pa e colaboracion cu KJ74 y ta desea pa mantene e respet mutuo, tur ora cu ta posibel.
MUSICA ENVEZ DI ENEMISTAD
Na final, Jeon ta bisa cu e no ta kere den violencia y semper y cuando a boga pa uni e islanan door di musica. Ta pidi pa tur hende keda trankil y na paz cu otro. “Nos ta crea musica. No enemistad”. Un biaha mas, ta pidi disculpa na tur fanatico si e situacion aki por a causa un impasse durante e ultimo dianan. Te aki e comunicado.
Di 7 edicion di Long Table Aruba a produci 100 mil dollar pa Stichting Hunto
ORANJESTAD– E di shete edicion di Long Table Aruba, un evento culinario caricativo presenta pa Wind Creek Aruba a surpasa un biaha mas tur expectativa y a finalisa cu un gran sorpresa, marcando un otro momento importante den impacto pa nos comunidad y donashon pa Aruba. Un cena completamente na blanco pa 1000 persona balora na $60.000.
Fecha pa e di dos Ride for the Roses a bira conoci!
ORANJESTAD — Stichting One Happy Bike Island y Koningin Wilhelmina Fonds cu gran orguyo ta anuncia nan di dos edicion anual di Ride For The Roses Aruba, dia 30 di November 2025 pa 7or di mainta. E evento inspirador aki ta un dia di union, movemento y speransa, caminda henter famia ta bin move pa salud y prevencion di Cancer pero tambe pa mustra apoyo na pashentnan cu Cancer na Aruba.
Botica di Servicio ta Conoce Su Prome “Streya di Botica”
ORANJESTAD - Botica di Servicio ta orguyoso di por anuncia su prome Streya di Botica, Lilienne Figaroa.
Sherilane Dirksz-Croes ta haci 10 aña den servicio na Botica di Servicio
ORANJESTAD - Durante e ultimo añanan, Botica di Servicio a haya e privilegio di por a celebra diferente coleganan y e luna aki por a celebra un otro aniversario importante, esta di Sherilane Dirksz- Croes.
Filomena College MAVO cu 83% di graduado
SAN NICOLAS - Diahuebs atardi 4:30 Filomena College MAVO na San Nicolas a anuncia e cantidad di graduado pa aña 2025. Cu 83% den prome tanda, Filomena College MAVO ta satisfecho y ta desea tur esnan cu tin cu bay pa tanda 2, hopi exito. Tawatin 69 candidato. Danki special ta bay na cada mayor, studiante y e team completo di e scol pa e esfuerzo y confiansa pa hopi aña caba. Danki Rex Aruba pa e cobertura y tur potret.
Emigra di Colombia, Angel Robles ta e miho graduado di Filomena College MAVO
SAN NICOLAS - Ocupando e puesto nr. un entre e 83% di e graduadonan na Filomena College MAVO na San Nicolas, Angel Robles Henao, naci y emigra for di Colombia, a sobresali den 2025. Cu un lista unico pa graduadonan, Angel ta finalisa su añanan na MAVO cu un tremendo lista. Angel tin e asina yama exacte lijst y su cifranan ta lo siguiente: Nederlands 8, Engels 9, Spaans 10, Wiskunde 10, Biologie 8, Scheikunde 9 y Natuurkunde 9. Tawata directorado di Filomena College MAVO representa pa director Raquel Lampe y director adhunto Joraine Oduber cu a haci e anuncio entregando Angel un obsekio como aprecio y felicitacion. E potretnan ta di Rex Aruba.
Follow NoticiaCla
