- Miembro di Tweede Kamer ta den studio awe di Noticiacla LIVE
- Aruba y Corsou sugeri como destinacion mas amigabel pa LGBTQ mericano
- Top funcionarionan di gobierno na Corsou lo por gana maximo 386.000 florin
- Analisis: Ora cu cuido pa adulto mayor na Aruba ta mata: Parti I
- Activista di derechonan civil Jesse Jackson (84) a fayece
La Casa del Habano Aruba a celebra 30 aña di existencia
(ADVERTORIAL)
La Casa del Habano Aruba a celebra, cu hopi orguyo, 30 aña di existencia cu un celebracion elegante; uniendo amigo, partner y amantenan di siga di tur part'i mundo, pa honra un herencia remarcabel basa riba tradicion, experiencia y comunidad.
E celebracion di e aniversario, e aña aki, tabata un evento hopi significativo, pasobra el a tuma luga na mesun momento cu 'Caribbean Habanos Days', un encuentro regional di haltura pa amante di siga. Aruba tabata tin e honor di ricibi mas cu 150 amante di siga, tur a yega cu e deseo grandi pa participa den e combinacion unico di un intercambio cultural, aprecio pa siga y e hospitalidad di e isla.
La Casa del Habano Aruba ta pertenece y ta wordo maneha pa famia Abady, pionero den e actividad comercial na Aruba. E famia a cuminsa su bishitanan empresarial na Aruba durante aña 1972 y nan pasion pa siga cubano a duna nan e impulso pa bira promotor di Habanos. Na 1995, bou di nan liderazgo, Aruba a bira un di e prome paisnan cu un 'franchise' di La Casa del Habano. Awendia, e negoshi ta wordo dirigi pa Sr. Danny Abady, actual doño y director, cu ta sigui mantene e herencia di excelencia y autenticidad di su famia.
La Casa del Habano a wordo funda na aña 1990 pa Habanos S.A., e distribuido exclusivo di siga cubano. E luga a wordo crea como parti di e tiendanan spesialisa y oficial di siga. E 'franchise' ta ofrece na e fanaticonan di siga na tur part'i mundo, un experencia unico dedica na tabaco autentico di Cuba - Habanos. Tur tienda a wordo diseña no solamente como un punto di benta, pero como un destinacion cultural, caminda e amantenan di siga por conecta, siña y disfruta di e herencia y tradicion di e siga cubano.
“Nos ta pronfundamente honra pa celebra un ocasion asina importante cu boso tur,” Sr. Danny Abady a bisa durante e celebracion. “For di nos clientenan fiel na Aruba, te na e fanaticonan cu a biaha for di tur luga di mundo; boso presencia ta significa hopi pa nos”.
La Casa del Habano Aruba a evoluciona durante e añanan, cambiando di localidad tres biaha pa sirbi miho su clientenan, cu den e transcurso di e añanan ta sigui crece. Un cos si, su identidad esencial a keda mescos: un santuario pa amante di siga, caminda tradicion y luho ta topa den e curason di Oranjestad.
Na aña 1995, famia Abady cu a fungi un rol fundamental den historia di siga den Caribe y como parti di un esfuerso innovativo como distribuido di Habanos S.A. a lansa simultaneamente cinco tienda mas di La Casa del Habano na Antigua, Aruba, Guadeloupe, St. Barths y Sint Maarten. Un copia den su frame di e invitacion original di e lansamento historico aki a wordo exhibiat durante e celebracion di e aniversario.
E celebracion tabata tin tambe un conexion special cu Dia di Obrero den e Area di Tabaco na Cuba, un ocasion pa honra e historia di Lazaro Peña, un artesano di siga y lider di obrero hopi respeta. E coincidencia di e dos celebracion a trece un momento di reflexion tocante esnan tras di e arte fini aki y e tradicion di traha siga.
Durante e anochi bunita aki, a rindi tributo na Sra. Nellie Lourens, un figura stima cu a yuda establece e fundeshi di La Casa del Habano Aruba den su aña inicial. Hopi biaha el a wordo yama “Reina di Siga” na e isla y su presencia tabata motibo di aplauso cu un curason y admiracion grandi p'e.
Tambe, muestra di gradicimento a wordo duna na e actual Master di Habanos y Manager, Sra. Monica Niño, cu su liderazgo ta sigura e continuidad de excelencia y pasion, pa ofrece di e manera aki, un experencia di siga excepcional.
Asina cu e anochi a yega na su fin, e sentimento tabata obvio pa tur: E 30 aña di existencia di La Casa del Habano Aruba ta un testimonio di dedicacion, herencia y amor comparti pa e arte di siga.
Miembro di Tweede Kamer ta den studio awe di Noticiacla LIVE
ORANJESTAD – Cu bista riba e comienso di e reunionan interparlamentario di Reino (IPKO) e siman akin a Aruba, e invitado pa e programa popular Noticiacla LIVE tin awe den su studio, e miembro di Tweede Kamer Heera Dijk (D66) como su invitado. E no ta un desconoci di e programa, ya cu e tabata invitado varios biaha, pero virtual. E biaha aki e ta den studio mes di Noticiacla LIVE. E temanan lo ta varia y lo ta maneha pa periodista Tito Laclé. No perde e programa interesante aki cu ta pasa pa 8:30pm awe nochi riba e Facebook page di Noticiacla, y despues riba e youtube channel di noticiacla.
Analisis: Ora cu cuido pa adulto mayor na Aruba ta mata: Parti I
Analisis: Carnaval reset: Bolbe na calidad, seguridad y tradicion
Encuesta di Noticiacla riba percepcion di Aruba su carnaval
ORANJESTAD – Cu Aruba drentando ultimo final carnavalesco, noticiacla ta presenta un encuesta riba e tema di carnaval, pa midi e impression di carnaval di awor, prome y pa futuro. Manera ta custumber, e encuesta su meta ta unicamente pa finann periodistico. E informacion ta confidencial y no ta wordo comparti. Pa bo participa, bo mester click AKI.
ANALISIS: Dia di San Valentino: Amor berdadero of un trampa comercial?
Carnaval drentando su ultimo fin di siman: Alegria grandi, pero tambe cu preocupacion
ORANJESTAD - Aruba ta drentando su ultimo fin di siman di carnaval. Un temporada cortico, yena cu alegria, color i orguyo cultural . Pero tambe e tabata yena cu reto logistico, momento di tension y algun incidente. E comunidad a mustra, den gran parti, un comportacion responsable durante e eventonan — primordialmente riba caminda — pero un aspecto a sobresali: e nivel di buracheria di automobilistanan despues di e eventonan.
Follow NoticiaCla
