Aeropuerto di Aruba ta raporta rendimento solido den prome cuartal di 2025

Posted on 05/6/2025 3:34 pm AST | Updated on 05/6/2025 3:37 pm AST

ORANJESTAD - Autoridad di Aeropuerto di Aruba N.V. (AAA) ta informa un rendimento solido den e prome cuartal di 2025, cu crecemento continuo den e metriconan clave di trafico y perspectiva positivo pa e resto di 2025. Asina e portal di routesonline, ta raporta awe.

Den Q1 2025, pasaheronan cu ta genera entrada (RGP) a totalisa 432.937, marcando un aumento di 5.4% compara cu e mesun periodo na 2024. E cresemento aki a wordo sostene pa un aumento di 2.2% den capasidad total di asiento (540.258 asiento) y un mehoracion den factornan di carga promedio cu a yega na 1.1.1. 85.2%. Adicionalmente e salidanan di vuelo a crece cu 4.1%, reflehando un demanda fuerte pa Aruba.

Merca ta keda e mercado di miho rendimento di Aruba, contribuyendo 71% di e total di RGP. E mercado a crece constantemente, cu un aumento di 1.8% den capacidad di asiento y 2.7% cresemento den RGP. E region di Latino America y Caribe, cu ta tene un parti di 15%, a mustra un cresemento fuerte, cu un aumento di 13.1% den capacidad di asiento, pa gran parti debí na e servisio di LATAM Lima-Aruba y e servisio di GOL di Guarulhos-Aruba. Mientras tanto, e mercado Europeo a experencia un bahada di 20.2% den capacidad di asiento; sinembargo, factornan di carga den tur mercado a keda stabil, averahe riba 85%. E partinan di merkado adicional a inclui Canada na 6%, y Europa y Caribe Hulandes na 4% cada un.

For di un perspectiva di aerolinea, JetBlue a lidera e mercado cu un 19% di RGP, sigui pa American Airlines (17%), Delta Air Lines (15%), United Airlines (13%), i Copa Airlines (4%). Pa loke ta trata rendimento di gateway basa riba capacidad di asiento, e area di tri-estado di New York (JFK, EWR, LGA) a conta pa 21%, Boston tabatin 14%, i Toronto, Atlanta i Miami cada un a contribui cu 6%.

Mirando pa futuro, e capacidad di asiento den e proximo lunanan ta proyecta pa keda stabil, cu un aumento modesto aña tras aña di 2%. Ta anticipa crecemento gradual, specialmente den e mercadonan di Noord America y Latino America, reflehando e conectividad strategico y posicion di Aruba como un centro regional clave.

“Nos ta contento cu e comienso fuerte di 2025, cu ta refleha demanda sostene, crecemento constante, y e confiansa continuo di nos partnernan di aerolinea,” asina Jo-Anne Arends, Ehekutivo di Desaroyo di Negoshi di Aviacion na Autoridad di Aeropuerto di Aruba a bisa. “E resultadonan aki ta resalta e posicion solido di Aruba den region y e forsa di nos red di servicio aereo mientras nos ta move den e resto di aña”.

Premier Schoof impresiona cu empresario Kock na Aruba
ORANJESTAD – Prome minister hulandes Dick Schoof durante su bishita na Aruba, a bishita e.o,. un viñedo y cria di galiña di Aruba hunto cu Minister Geoffrey Wever. “Apesar di e clima difícil, tabata posibel pa cultiva druif aki riba un escala comercial. Un bon ehempel di empresario”, e mandatario a comenta riba su cuenta di Instagram, despues di su bishita.
Mas Economia
Lesa Mas
Banco Central di Aruba a reduci e reserva obligatorio pa banconan comercial
ORANJESTAD - Entrante 1 di maart 2025, Banco Central di Aruba (CBA) a reduci e tasa di reserva obligatorio di 13,5% pa 12,5%. E decision monetario aki ta baha e balansanan minimo cu banconan comercial local mester tene na CBA, aumentando asina e fondonan disponibel pa prestamo y pa inversion.
Mas Economia
Lesa Mas
Secrets Baby Beach ta ricibi su prome huesped den juni pero ta pospone apertura inaugural pa november
ORANJESTAD – MIentras cu e hotel Secrets Baby Beach ta cla pa ricibi su prome huespednan dia 5 di juni proximo, a dicidi cu ta hala e apertura official pa November di e aña aki. E intencion tabata pa tene e ceremonia official dia 30 di mei proximo. Pero a opta pa cambia esaki ya cu e apertura official lo a nifica un pausa den preparacion official. Y esey nan ta prefera di no haci, y ta prefera pa priorisa un apertura suave y sin interupcion. A compronde cu ora cu e hotel habri su porta dia 5 di juni proximo , e lo ainda falta algun parti, pero pa November, e lo ta operando cu su capacidad completo.
Mas Economia
Lesa Mas
A.T.A. y CEDE Aruba cu aliansa di mey miyon pa mehora calidad di bida riba nos isla
ORANJESTAD - A.T.A. y CEDE Aruba a cera aliansa di mey miyon pa mehora calidad di bida riba nos isla. Segun informacion di ATA, siguiendo e strategianan stipula di Aruba Tourism Authority (ATA) su strategia MACS (Multi Annual Corporativo) 2025-2035, tanto A.T.A. y CEDE Aruba ta comparti un interes comun den nan metanan y direccionnan como organisacion. Pa A.T.A., considerando e sentimento local y e bienestar di nos comunidad, un alineacion strategico cu CEDE Aruba ta beneficioso.
Mas Economia
Lesa Mas
BCA: E Indice di Confiansa di Consumidor a baha den e di cuater trimester di 2024
ORANJESTAD - E Indice di Confiansa di Consumidor a baha den e di cuater trimester di 2024, ya consumidornan ta indica cu por cumpra menos cu nan entrada compara cu 6 luna pasa. Banco Central di Aruba (BCA) a conclui e Encuesta di Confiansa di Consumidor pa e di cuater trimester di 2024. E encuesta di confiansa di consumidor ta evalua e percepcion economico di e consumidor local. Consumidornan tabata mas pesimista, mirando cu e Indice di Confiansa di Consumidor a baha cu 0,5 punto di indice te na 94,2 den e di cuater trimester di 2024
Mas Economia
Lesa Mas
Relato annual di ATA: Turismo di Aruba a conoce crecemento di 13%
ORANJESTAD - Aruba Tourism Authority (A.T.A.) recientemente a entrega su cuenta anual, audita pa un accountant, na Minister di Turismo, Transporte y Labor, mr. Wendrick Cicilia, cumpliendo asina cu e reglanan vigente. E cuenta anual ta refleha un aña record di crecemento y di trabou duro pa sigui desaroya, innova y balansa nos turismo, siendo e unico pilar economico di nos pais. For di aña 2011 cu Aruba Tourism Authority (A.T.A.) a bira un entidad autonomo, tur aña sigui a cumpli cabalmente cu entregamento di nan cuenta anual audita na tempo, den luna di maart (no mas tarda cu promer di april) di e aña siguiente. E rapport di aña 2024 ta refleha un gran logro, inovacion y compromiso fuerte cu un futuro sostenibel pa Aruba.
Mas Economia
Lesa Mas