- Corsou a keda selecta den grupo E, cu Alemania, Ecuador y Costa di Marfil pa mundial 2026
- Debi na crisis den region, prome minister di Corsou, Pisas tambe a cancela biahe pa Hulanda
- Sorteo mundial di futbol: Hulanda contra Japon, Tunez y un otro campion di play-off cu ainda no ta conoci
- Corte a dicidi: Dos ‘spiritonan’ den caso Flamingo mester paga placa bek
- Copa Airlines y Wingo tambe ta suspende vuelo pa Caracas
Minister ta confirma cu KIA ta den lockdown pa TBC
ORANJESTAD – Nos instituto coreccional na Aruba, KIA, ta den un lockdown. Minister di husticia responsabel pa e.o. KIA, Arthur Dowers a confirma esaki dialuna anochi na 24ora.com. E motibo, ta e aumento di caso di Tuberculosis den e instituto. Ta apenas un siman pasa cu e departamento di salud a sigura cu e casonan den KIA no ta alarmante y cu tur cos ta bou di control cu apenas 4 pa 5 caso. Un siman despues, e cantidad di caso a aument casi double, unda cu awor hasta tin trahadonan cu ta contagia. Esaki a pone cu e minister a tuma medida pa mengua e situacion.
CONSECUENCIA
Entre e prome consecuencianan, ta stop bishita na prisoner, y presonan no ta bay Huez Comisario sino ta haya nan tratamento via video call. REUNION CU VARIOS
DEPARTAMENTO
E mandatario a sigura tambe cu lo tin reunionan cu e stakeholdernan cu ta forma parti di e cadena hudicial y tambe di salud pa wak con lo atende cu e situacion. E mandatario a lamenta cu debi na falta di transparencia, cu e cos mester a yega asina leu. E mes no tabata na altura di e situacion prome. Diamars mainta e mandatario lo duna mas splicacion riba e situacion na KIA.
Gobierno y sindicatonan SIMAR, SEPPA y TOPA a firma restructuracion salarial di maestro
ORANJESTAD – Gabinete AVP-FUTURO y sindicatonan SIMAR, SEPPA y TOPA diabierna mainta a firma pa e prome fase di restructuracion salarial di maestro. Simbolicamente a firma e declaracion aki den e edificio historico di Algemene Rekenkamer cu ta Aruba su prome Scol Publico. Esaki como simbolo di e compromiso di Gabinete AVP-FUTURO pa cu e progreso di Pais Aruba por medio di enseñansa. Cu aprobacion di Presupuesto 2026, esaki lo wordo formalisa.
Situacion den region a pone premier Eman cancela su bishita pa Hulanda
ORANJESTAD – Prome minister Mike Eman a cancela su biahe pa Hulanda e siman cu ta bin. Noticiacla a raporta di e bishita ayera, unda cu hunto cu dos prome minister di Corsou y St Maarten, e lo a biaha pa Hulanda. E fin di siman aki un delegacion di Aruba lo a sali pa Hulanda pa atende un serie di temanan importante. Prome Minister mr. Mike Eman tabata riba programa pa duna un di e principal lecturanan riba relacionan den Reino dia 9 di december durante Inter Expo-Koninkrijk, hunto cu entre otro Ministernan di Estado Balkenende y Hirsch Ballin.
Minister Gerlien Croes na MEP riba deadline : Mi buchi tambe ta yena!
ORANJESTAD – Minister Gerlien Croes (Partido FUTURO) a contesta partido MEP diahuebs riba e ultimatum (deadline) cu e partido geel a pone p’e riba e biahe cu jet priva. MEP a pone e ultimatum pa e minister divulga con e la paga pa e jet priva pa Corsou recientemente. Croes sinembargo, riba su pagina di Facebook a bis’e cu e tin cu preocupa cu aangifte contra e partido mes. ‘Apreciabel comunidad di Aruba, mane nos ta bisa na papiamento crioyo "mi buchi tambe ta yena" e unico deadline cu Partido MEP y su lider Evelyn tawata tin ta 6 di december 2024, ora cu pueblo a fada di politiconan cu ta mal usa fondonan di pueblo” e ta cuminsa na bisa.
Wever-Croes: Deadline a pasa y awor ta bay denuncia minister Gerlien Croes
ORANJESTAD – Partido MEP ta bay entrega keho contra minister Gerlien Croes, awor cu e deadline cu a pone p’e, a vence. Manera ta conoci, dos siman pasa e partido a pone un ultimatum (deadline) pa e mandatario, relaciona cu e biahe cu e la haci pa Corsou recientemente, usando un avion priva pa esaki. Segun MEP, ta kier sa di e minister con esaki a bay, y ken a paga pa esaki. Pasobra nan ta sospecha cu cosnan a bay fout y cu esaki ta bira castigabel. A duna e mandatario dos siman, sino lo a entrega keho contra dje.
Mike Eman bay Hulanda pa congreso di 10/10/10 cu premiernan di Corsou y St Maarten
DEN HAAG – E premiernan di Corsou, Aruba i Sint-Maarten lo tuma for di 9 te 11 di december 2025 na 36e Congreso InterExpo den centro di prensa y debate Nieuwspoort na Den Haag. Tema central ta diesinco aña di cambio estatal for di 10 di october 2010. Dia 10 di october 2010, Antia Hulandes a wordo disolve Corsou y Sint-Maarten a ricibi status di pais banda den Reino. Bonaire, Sint-Eustatius y Saba a bira cuerpo publico di Hulanda mes dia ey. Awor diesinco aña despues, e cambio estatal aki ta den centro durante e congreso.
Presidente di Parlamento di Aruba ta na Bruselas pa Eurolat
BRUSELAS – Dialuna 1 di desember 2025 a duna inicio na e reunionnan parlamentario entre Parlamento Europeo y Parlamentonan di Latino America y Caribe (Eurolat) na Bruselas. Den esaki, president di Parlamento di Aruba, Marlon Sneek tambe ta participa, hunto cu su coleganan di Corsou y St Maarten. Despues di un session preparatorio di e grupo Latino Americano y Caribe a sigui e session inaugural, den cual a pone enfasi riba e balor di e relacion entre e parlamentonan di ambos region.
Follow NoticiaCla
