Bolsa Europeo a cuminsa recupera relaciona cu e instabilidadnan grandi di guera comercial

BRUSELAS - Despues di tres dia di perdida pisa, tin un recuperacion leve riba e mercadonan di bolsa Europeo. E indice di bolsa di Amsterdam AEX tabata subi cu mas di 2 porciento banda di merdia. Preisnan tambe ta subiendo na Gran Bretaña, Alemania y  Francia.

E perdidanan di e ultimo dianan no a wordo elimina ainda. E AEX ta alrededor di 820 punto, un siman pasa ainda e tabata 900 punto.

Un di e subidanan mas grandi ta e fabricante di mashin di chip ASML. E prijs di e accion ey a subi cu casi 4 porciento, pero den e ultimo dianan e accion a haña un sla duro.

Hopi biaha ta sosode cu despues di un periodo di perdidanan pisa, prijsnan ta recupera algo. Algun invershonista ta kere cu awor ta e momento corekto pa drenta ya cu e accionnan den companianan cu tabata wordo busca anteriormente a bira significantemente mas barata.

INTRANKILIDAD

Preocupacionnan tocante e consecuencianan di e guera comercial no a kita. E index cu ta indica e nivel di intrankilidad bou di inversionistanan, e indexs VIX, ta na su nivel di mas halto for di e crisis di corona.