- Delegacion di Moody's na Aruba pa evalua rating financiero
- Segun minister Wever, CAft ta duna conseho positivo riba presupuesto 2025
- Wever: Gasolin y Diesel lo baha di prijs 1 di mei
- Iberostar Beachfront Resorts a presenta su Shoco Boulevard
- Deportista Arubiana cu a keda paralisa despues di accidente na Merca, buscando fondo pa yuda cu gasto
Aruba ta pierde contra Cambodia den un partido amistoso di futbol
PRINCE STADIUM, CAMBODIA – E seleccion di Aruba di Futbol a hunga contra Visakha FC den un partido Amistoso na Prince Stadium den Cambodia. E partido a finalisa cu un victoria di 3-1 pa Visakha FC.
E partido a mira un bentaha trempan di Visakha FC desde e principio, cu Ramon Tanque a converti un penalty na minuut 14 pa habri e marcador. Cinco minuut despues, na minuut 19, Ott Mi. a dobel e bentaha. Den di dos mita, Tanque ta logra su di dos gol di e partido na minuut 52, pa pone Visakha FC 3-0.
Aruba a responde cu un gol di Rensel Bryson na minuut 66, pero no tabata suficiente pa cubri e desventaha, y e partido ta finalisa cu un score di 3-1.
Proximo partido di seleccion di Aruba lo ta contra Cambodia den un partido amistoso internacional 25 di maart 8:00 AM (Ora di Aruba).
Marvic Bermudez, coach principal di seleccion di Arubano, a papia despues di e partido:
"Ta un partido di un nivel hopi halto, specialmente tumando na cuenta cu nos a hunga contra un ekipo profesional. E nivel di e hugadonan ta keda claramente visibel, specialemente den su fisico, condishon fisico, y tecnica cu lo ta loke ta haci nan profesional. Aparte di esaki, nan tabatin 6 hugadonan de refuerso: 2 di Brazil, Hapon, Sur Africa, Maroco, y Uzbekistan. Pa locual ta trata e preparacion pa cu e partido ta esun mas promociona cu nos a experencia cu seleccion di Aruba pa locual ta trata media y tambe un stadion asina moderno y profecional. Pa nos, ta importante hasi un analisis detaya di video pa saca tur e momento cu nos por siña di dje mas liher posible, pa nos por mihor prepara pa e siguiente partido contra Cambodia."
.
Deportista Arubiana cu a keda paralisa despues di accidente na Merca, buscando fondo pa yuda cu gasto
WASHINGTON – E deportista local Miljenka Franken den fin di siman a sufri un accidente cu su brommer durante un competencia na Merca. Na comienso di e careda, e la bolter cu su brommer y a Sali herida. A biaha mesora pa Washington pa opera di emergencia na lomba y weso di lomba. A resulta despues di e operacion, cu Miljenka a keda paralisa di su heup bay abou. Mientrastanto famia a cuminsa un coleccion di fondo, via gofund, pa por dune miho atencion. A compronde cu Miljenka Franken tabata semper un persona activo, mama y casa. Te cu diamars atardi, a logra recauda mas di 27 mil dollar. Pa por yuda cu e fondo, please click AKI.
SI: Baltimore Orioles ta firma Arubiano Chadwick Tromp pa nan ekipo di liga menor
BALTIMORE - E noticia cu a keda publica awe pa e portal Sports Ilustrated, ta cu e catcher di Triple-A David Bañuelos lo wòrdu poné riba e Lista di Leshoná awe, y como contesta, e team lo firma e veterano remplasante Chadwick Tromp pa un acuerdo di liga menor, manera a keda informa pa Roch Kubatko di MASN Sports. Esey kier men cu ta libera Tromp di su contracto cu Atlanta Braves unda cu recientemente e la habri e temporada como catcher pa algun siman. Pero ya e la wordo manda bek pa e ekipo di liga menos, y awor ta mustra cu e ta cambia di ekipo. Tanto Atlanta Braves como Baltimore Orioles no ta pasando door di nan miho momentonan, y ambos ta actualmente na di ultimo lugar den nan respectivo division.
MLB: Season opener 2026 entre Padres y Braves ta na Aruba y Corsou
MIAMI – Major League Baseball a anuncia diamars mainta cu e prome dos weganan di temporada di 2026, entre San Diego Padres y Atlanta Braves, lo ta na Aruba y Corsou riba 27 y 28 di Maart 2026, respectivamente. No ta inusual cu MLB ta cuminsa un temporada den exterior, y a hacie multiple biaha na lugarnan manera e.o, Japon, Korea y London. Mayoria biaha ta depende di e hungadornan den e ekipo y e mercadeo rond di esaki.
Dos Arubiano y dos Yiu di Corsou a topa otro den wega di baseball grandes ligas diadomingo!
SAN DIEGO – Entre e 256 hugadonan internacional di 18 pais cu no ta Mericano den baseball Grandes Ligas, 4 tabata di Aruba y Corsou hungando contra otro diadomingo anochi. Den un wega particular, no menos cu 2 yiu di Corsou y dos Arubiano, a hunga contra otro diadomingo anochi den e wega di San Diego Padres contra Atlanta Braves, na San Diego. Xander Bogaerts tabata e unico di Aruba pa Padres, contra Chadwick Tromp di Aruba y Jurrickson Profar y Ozzie Albies di Corsou pa Atlanta Braves.
Aruba Bank a anuncia fecha pa Walk & Run 2025
ORANJESTAD – 25 di maart 2025 - Durante un conferencia di prensa, Aruba Bank a anuncia e evento hopi anticipa: Walk & Run 2025, cu lo tuma lugar dia 19, 20, 21 y 22 di mei. E edicion di 2025 lo ta e di 19 edicion, cu e tema: Own Your Victory hunto cu nos partnernan Subway y IBiSA. E evento aki ta hopi mas cu un careda, e ta reconoce bo esfuerzo y celebra cada paso dilanti.
Aruba ta gana Cambodia 2-1 den wega amistoso di futbol
PHNOM PENH – E seleccion nacional di futbol di Aruba a gana di Cambodia den un wega amistoso diamars anochi (ora local) cu e score di 2-1, den un wega unda cu dado momento e seleccion di Cambodia a keda cu 9 hungador, despues cu a expulsa dos di su hungadornan. Aruba tabatin e wega teni basta tempo na 2-0, pa den e ultimo tempo, pa un fayo, e seleccion di Cambodia logra hinca e unico gol. Cu esaki, Aruba ta bin bek cu un wega perdi (3-1) y uno gana (2-1).
Follow NoticiaCla
