Tarifanan di paspoort Hulandes na Corsou (y islanan BES) tambe lo aumenta na 2025

ORANJESTAD – Despues cu tarifa di paspoort Hulandes a aumenta na ARuba na comienso di 2024, ta mustra cu no ta na Aruba so, sino tur e islanan di Caribe Hulandes (CAS y BES eilanden) lo conoce un aumento leve. Corsou ta bisa cu e aumento ta debi na inflacion. 

E AUMENTO PA ARUBA

Entrante 1 di januari 2025 lo ahusta tarifanan di paspoort na Curaçao y e islanan BES pa inflacion, loke ta resulta den un aumento modesto di gastonan. Pa menor di edad bou di 18 aña, costo di un paspoort na Curaçao lo subi di 149,00 florin pa 151,10 florin. Adultonan lo mira un aumento di 189.00 florin pa 192.00 florin. Ahustacionnan similar lo wordo aplica na e islanan BES. E gastunan di paspoort pa menornan di edad lo aumenta di $112.47 pa $116.95, mientras cu adultonan lo mira un aumento di $134.78 pa $140.15. Adicionalmente, e costo di un carchi di identificacion hulandes lo bai te na $120.80, for di e anterior $116.16.