Partidonan politico a haya secuencia di aparicion riba stembiljet di eleccion

Posted on 11/13/2024, 10:23 AM AST | Updated on 11/13/2024, 10:36 AM AST

ORANJESTAD – E secuencia di partido politico manera cu nan lo aparece riba e proximo stembiljet a bira conoci diaranson mainta. E 11 partidonan politico cu ta participa na e proximo eleccion parlamentario di 6 di December 2024 a haya nan number y color asigna durante un session oficial di Electorale Raad diaranson mainta. Un total di 6 partido tabata presente pa saca lot pa e numeracion, cu tabata RAIZ, MAS, ACCION21, FUTURO, y CURPA. E partidonan cu no tabata presente tabata MEP, PPA, LPR, RED y HTC. Durante e session cu a dura 15 minuut, un pa un e representantenan di e respectivo partidonan a haya nan number cu tabata den e envelop blanco cu nan mes a scohe riba e lessenaar. 

E colornan mientrastanto tambe a keda aproba, riba peticion di propio partidonan. Pa loke ta e numbernan, esaki ta e secuencia den cual e partidonan lo aparece riba e stembiljet dia di votacion. E SECUENCIA Y COLOR DI PARTIDO

MAS – Licht blauw – Blauw cla PPA – Oranje - Oranjo RAIZ – Licht Oranje – Oranjo cla HTC – Licht roze – Ros Cla CURPA – Donker paars – Biña scur FUTURO – Magenta  LPR – Rood - Cora  RED – Wit - Blanco ACCION21 – Donker Blauw – Blauw scur MEP – Geel AVP – Groen - Berde