Haiti ta cera aeropuerto despues di tiramento riba avionan di aeroliñanan Mericano

PORT-AU-PRINCE - Na Haiti, e aeropuerto internacional a wordo cera temporalmente despues cu gangnan a habri candela riba un avion di Spirit Airways cu tabata purba baha na e aeropuerto ayera. Un empleado abordo a resulta levemente herida. E avion, cu a sali for di e estado Mericano di Florida, despues a wordo desvia pa Republica Dominicana. Tambe un avion di JetBlue a keda alcansa pa bala.

Tabatin enfrentamentunan entre polis i gangnan den otro partinan di e stat awe. Casnan tambe a wordo sende na candela y varios scol a wordo cera.

E ta e di dos incidente dentro di algun siman. Luna pasa, un helicopter di Nacionnan Uni cu tabata bula riba Port-au-Prince a wordo tira pa gangnan. E ocupantenan no a resulta herida.

E embahada di Merca na Haiti ta bisa cu nan ta na altura di e ceramento di aeropuerto. E situacion den e pais ta “impredecibel y peligroso”, e embahada a scirbi. “Biahamento ta riba bo mes riesgo. Gobierno di Merca no por garantisa bo seguridad ora di biaha pa aeropuertonan, fronteranan of destinacionnan mas aleu.” Debi na e violencia cu ta andando, e embahada lo ta parcialmente cera mañan.