- ATA a gana premio prestigioso na festival culinario na Inglatera
- Na Corsou, specialistanan ta bandonando hospital CMC debi na asunto di LNT
- Lotto Roll Down Early Christmas a produci 70 feliz ganador
- Macron ta apunta François Bayrou como prome minister nobo di Francia
- Directie Voogdijraad ta participa su orarionan pa dianan di fiesta
No tin prizon sino Cas Blanco pa Donald Trump: ‘Casonan penal contra Trump lo disparce’
WASHINGTON - Donald Trump tabata e prome ex presidente cu a yega di wordo haya culpabel den un caso penal, y awor e ta tambe e prome criminal condena cu a yega di bira presidente. I awor cu e lo muda bek pa Cas Blanco, ta hopi improbabel cu e lo caba tras di trali.
E cuater casonan penal ainda pendiente contra Trump lo cu tur probabilidad “subi den huma”, segun e experto Mericano Kenneth Manusama. Dos di e cuater casonan ta wordo bringa na nivel federal: un ta centra riba e susesonan rondo di e asalto di Capitolio na januari 2021, e otro riba e retencion ilegal di documentonan clasifica na su resort Mar-a-Lago.
E fiscal special den ambos caso ta Jack Smith. Dos siman pasa, Trump a yam’e “mentalmente perturba” y a bisa cu Smith mester wordo deporta. Manusama: “Unabes cu Trump ta presidente atrobe, e por instruí su procurador general nobo pa kita e fiskal aki for di trabou y simplemente no nombra un nobo. Atraves di siglonan, semper tabata e caso ku un presidente nunca lo a interferi cu investigacionnan inicia pa e Ministerio di Husticia, pero e norma constitucional ei tambe realmente a disparse.”
ATA a gana premio prestigioso na festival culinario na Inglatera
LONDON -Aruba Tourism Authority a gana premionan na e ceremonia di X Awards na London diaranson anochi. E X Awards, lanta pa e organisashon internashonal Digital Tourism Think Tank, ta premionan ku ta rekonosé kreatividat, talento i inovashon denter di turismo.
Macron ta apunta François Bayrou como prome minister nobo di Francia
PARIS - Presidente frances Macron a scoge François Bayrou como Prome Minister nobo di e pais. Pasobra parlamento a manda e prome minister anterior Barnier cas, Bayrou mester guia Fransia den tempo políticamente insigur.
Revista Time ta nombra Donald Trump como Persona di Aña
NEW YORK – Time Magazine a nombra Donald Trump Persona di Aña pa di dos biaha. E revista mericano ta skohe e presidente nobo di Merca despues di un “regreso di proporshonnan histórico”, su influencia riba politica mericano i cambiando e rol di Merka mundialmente.
Presidente Mericano Biden ta reduci castigo di 1.500 condena
WASHINGTON - Presidente Mericano Biden a reduci of renuncia e sentencianan di alrededor di 1.500 preso Mericano. Esaki ta e indulto di mas grandi di un presidente mericano den un dia.
Juan Soto ta firma contracto record di 726 miyon dollar cu New York Mets
NEW YORK - E hungador di baseball Juan Soto a firma un contract di record diadomingo anochi. Segun medionan mericano, e lo gana 765 miyon dollar mericano (726 miyon euro) durante un periodo di diessinco aña cu New York Mets. E ta e cos di mas grandi den historia di deporte profecional.
Rebeldenan ta tuma over poder na Siria, Assad a huy
DAMASCO - E regimen di presidente Sirio Assad a cay. Rebeldenan a captura e ciudad di Homs ayera y no mucho despues tambe e capital Damasco. Assad a huy for di e ciudad den un avion, fuentenan di ehercito a bisa. No ta conoci na unda.
Follow NoticiaCla
