Colombianonan a scohe Aruba y San Andrés como destinacion playero durante e Hot Sale 2024

BOGOTA - For di su inicio riba 17 pa 21 di october, e Benta Cayente 2024 of ‘Hot Sale’ tin a marca un dinamismo fuerte den e industria di biahe, cu cresementu notabel den varios categoria di reservacion y preferencia di destinacion pa Colombianonan. Pa loke ta trata e interes di e Colombianonan den destinashonnan internacional, Punta Cana, Miami, Madrid, Panama y Aruba ranca entre e top 5 mas reserva riba e plataforma Despegar durante esaki. Asina e portal Colombiano HSB noticias ta raporta. 

BENTA CAYENTE

“Na Despegar nos a identifica un interes cresiente den paketenan di biahe, cu un aumento significante den reservashonnan hací a traves di e Despegar App den comparacion cu Hot Sale di 2023. Asta den e resultadonan financiero corespondiente na e di dos

cuartal di 2024, nos ta informa cu e downloadnan di telefon celular tabatin un aumento aña tras aña di 43%, yegando na un total di 18 miyon, un record historico nobo pa e compania.

Esaki ta demostra un tendencia kla pa e uso di plataformanan mobil pa planiamento y cumpra biahenan,” Pablo Jaitman, Country Manager di Despegar ta bisa.

Segun e compania di biahe lider di Latino Amérika, e método di pago mas usá pa biaheronan den nan kompranan tabata tarhetanan di krédito, representando mas ku 55% di e

transakshonnan, danki na e oferta di kuotanan sin interes durante e evento. Nan a siguie pagonan door di PSE cu 18%, y otro metodonan manera envío i potmoni electronico, entre otro. Cu e evento ainda andando, Despegar ta anticipá cresemento sostene den demanda pa viahenan, tanto nacional como internacional, reafirmando e confiansa di e kolombianonan den uso di plataformanan digital pa bo proximo vacacion.