E leyenda di tenis Rafael Nadal ta anuncia retiro di tennis despues di e torneo di Davis Cup

Posted on 10/10/2024 9:06 am AST | Updated on 10/10/2024 9:06 am AST

MALAGA - Rafael Nadal a anuncia cu e lo retira di tennis fin di otro luna. E Spaño di 38 aña a anuncia esaki den un video riba su canalnan di medionan social.

E lo ta den accion pa ultimo biaha den e Final di Copa Davis na Málaga. Dia 19 di november proximo, Nadal lo enfrenta Hulanda cu Spaña den cuarto di final. E final di e torneo di pais lo wordo hunga dia 24 di November.

Nadal a gana no menos cu 22 torneo di Grand Slam. En total el a gana 92 victoria den torneo i a keda na prome lugá na mundo pa 204 siman. Na Weganan Olímpiko el a gana oro den individual (2008) y ku Marc López tambe den dobel (2016).

Cu Roger Federer y Novak Djokovic, Nadal a domina tènis mundial pa e ultimo dos decadanan.

‘MOMENTO CORECTO’.

Den añanan recien, e homber di Mallorca a wordo plaga pa leshonnan. El a cai na di 158 lugá den e ranking mundial. “E ultimo añanan tabata duro, specialmente e ultimo dos temporadanan,” e ta bisa den un mensahe di video. “Tabata un decision dificil, pero mi ta kere cu esaki ta e momento corecto pa stop”.

Avion a cay banda di aeropuerto di India, tur 242 persona ta kere morto
NEW DELHI - Un avion di pasahero a cay banda di e aeropuerto Ahmedabad di India. Segun polis local, ningun di e 242 personanan abordo ta parce di a sobrevivi e accidente. E avion, cu tabata na caminda pa London, a cay den un area residencial poco despues di a lanta vuelo. Segun Air India, tabatin 230 pasahero y 12 miembro di tripulacion abordo. Polis ta bisa cu mas di 100 curpa a wordo hiba hospital.
Mas Internacional
Lesa Mas
Toque de queda den partinan di sentro di Los Angeles pa motibo di sakeo y vandalismo
LOS ANGELES - Un toque de queda a wordo impone den partinan di centro di Los Angeles. Protestanan contra e politicanan di inmigracion di presidente Trump ta andando den e ciudad pa dianan caba. Disturbionan a surgi, incluyendo sakeo y vandalismo. E toque de queda a drenta na vigor pa 8 p.m. ora local y lo dura te cu 6 a.m.
Mas Internacional
Lesa Mas
Dies morto den tiroteo na scol na Austria
GRAZ – Na Graz, e di dos ciudad di Austria, a sosode un tiroteo na un scol secundario. Dies persona a muri, e alcalde di Graz y polis ta confirma. Ademas di e diez mortonan, diesdos persona tambe a resulta herida, algun gravemente. Di e mortonan, seis ta femenino i tres ta masculino. Segun Kronen Zeitung, e sospechoso ta ser bisa di tin un historia di buracheria y a comete suicidio den un wc den e edificio di scol. E ex studiante tabata tin dos arma di candela. Ta ser bisa cu e tabatin e armanan den su poder legal.
Mas Internacional
Lesa Mas
Protestanan di Los Angeles ta intensifica despues di despliegue di Guardia Nacional
LOS ANGELES - E tensionnan na Los Angeles a aumenta mas despues di e despliegue di Guardia Nacional den e stad. Riba e di tres dia di protesta contra aresto y deportacion di migrantenan, miles di manifestante a subi caya. Nan a blokia un autopista y a cende autonan na candela.
Mas Internacional
Lesa Mas
Musk: Sin mi, Trump lo a perde e eleccion presidencial
WASHINGTON – “Sin mi, Trump lo a pèrdè e elekshon, Democratnan lo a controla e Camara y e Republikanonan lo tabata 51-49 den Senado”, tabata e ultimo declaracion di e un tempo bon amigo di Donald Trump, e magnate Elon Musk a bisa diahuebs. Pa basta dia tin un rivalidad y guera a cuminsa entre nan dos. Musk tambe a bisa esaki di Trump” Un ingratitud asina”.
Mas Internacional
Lesa Mas
Merca cu prohibicion di biahe pa Haiti y parcial pa Venezuela
WASHINGTON - Presidente Donald Trump a firma un proclamacion diaranson anochi pa prohibi biahe di varios pais pa Merca, citando riesgonan di seguridad. Entre nan pa Haiti, y un prohibicion parcial pa Venezuela. E prohibishon lo restringí completamente entrada di ciudadanonan di 12 pais: Afganistan; Myanmar, tambe conoci como Birmania; Chad; Republica di Congo; Guinea Ecuatorial; Eritrea; Haiti; Iran; Libia; Somalia; Sudan; y Yemen.
Mas Internacional
Lesa Mas