E pelotero hapones Ohtani ta prome den MLB cu 50 homerun y 50 base roba

LOS ANGELES – Pelotero Hapones Shohei Ohtani a haci algo cu nunca no a wordo logra prome den baseball mericano. E strea di Los Angeles Dodgers a bati su di cincuenta homerun di e temporada y a horta un base pa di cincuenta biaha den e wega contra Miami Marlins diahuebs anochi. Ningun hungadó di beisbòl den e historia di 121 aña di Liga Grandi di Beisbòl (MLB) a logra esei den un temporada. Ohtani: ‘Lo mi aprecia esaki pa hopi tempo’. E di cincuenta homerun di Ohtani a bula bai den e tribuna den di shete inning, despues di a horta su di cincuenta base den e prome inning. Su compañero Miguel Rojas “casi a yora”, e parada cortico a admiti despues di e wega. Di acuerdo cu e tercer base Max Muncy, tabata e tempo ey atrobe: “Ta parce cu tur anochi e ta haci algo cu nunca nos no a mira prome.”