Partido di Jacobs a gana pero Mercelina por sigui goberna despues di eleccion na Sint Maarten

PHILIPSBURG - E coalishon dirigi pa medico Luc Mercelina a sali mas fuerte for di e elekshon ku a tene na St. Maarten dialuna. Tanto e partido URSM di Mercelina mes, como partner di koalishon DP a gana un asiento mas, cu kada un tres asiento na tur. Di otro banda, e partido di Silveria Jacobs National Alliance, a gana e eleccion net net si conta e cantidad di voto. 

E di tres partner di coalishon, PFP, tambe a gana na voto, pero a mantene su dos asiento aktual. E di cuater partner di e coalisahon 4x2, NOW, a perde un asiento i keda cu solamente uno.

VOTEGETTER 

Mercelina tambe a bira e político cu mas tanto voto personal: 1315 na tur. Hopi votado na St. Maarten ta sinti ku Mercelina casi no a haña chens di goberna promecu su gobierno a wordo tumba apenas 17 dia despues di a sinta. PARTIDO MAS GRANDI

E partido National Alliance di ex prome minister Sylveria Jacobs a bira e partido mas grandi, cu un total di mas o menos 30 voto mas cu  URSM di Mercelina. Mirando e resultado fuerte di e koalishon aktual, lo bira hopi difícil pa yega na otro gobierno bou di liderazgo di National Alliance.

POPULAR

Otro político cu a score bon ta Ludmilla de Weever (PFP) cu 690 voto, Otmar Ottley (UP) cu 666 voto, y Grisha Heyliger-Marten (DP) ku 477 voto.

E político controvercial Olivier Arrindell no a logra realisa su ambicionnan: su partido a yega na algo mas cu 500 voto. Cu esaki, Arrindell ni su partido lo no drenta Parlamento.