Camara Superior di Mexico unanimamente a declara Claudia Sheinbaum presidente-electo di e pais

MEXICO CITY - Camara Superior di e Tribunal Electoral di e Poder Hudicial di Mexico, a declara oficialmente e victoria di Claudia Sheinbaum den e eleccionnan presidencial di dia 2 di juni.

E decision tuma unanimamente ta certifica e triunfo di e politica izquierdista cu lo reemplasa e actual presidente, Andrés Manuel López Obrador, na poder.

“E candidata Claudia Sheinbaum Pardo, nomina pa e coalicion Let’s Make History, a obtene mayoria di e votonan den e eleccion pa presidencia di Estadonan Uni Mexicano”, segun e resolucion.

Di e manera aki, corte a aproba e conteo final di e eleccion den cual Sheimbaun a gana cu mas di 35.9 miyon di voto, compara cu e 16.5 miyon cu su contendiente mas cercano, Xóchitl Gálvez, di e coalicion conservador.

E resolucion aproba pa e lidernan ta considera cu e eleccion, den tur su fasenan, tabata “liber, autentico y periodico, y ta cumpli cu e principionan cu ta goberna e funcion estatal di organisa eleccionnan: siguridad, legalidad, independencia, imparcialidad, maximo publicidad y obhetividad “.