Studiantenan na Hulanda ta paga 30 porciento mas pa un camber

AMSTERDAM – Mientras cu studiantenan di Aruba a cuminsa yega Hulanda e siman aki pa inicia cu nan estudionan avansa, tin noticia cu awor a hasta mas difícil pa studiantenan haña un camber pagabel e aña aki cu e tabata un aña pasa, no solamente den stadnan manera Amsterdam of Utrecht. Ken cu kier keda den un kamber na p.e. Zwolle of Breda awor mester paga casi 30 porciento mas cu un aña pasa. Na Breda un camber di studiante awor ta costa un promedio di 670 euro pa luna y na Zwolle esei ta 578 euro.

Prijsnan tambe a subi drasticamente na Utrecht, un di e stadnan di studiante mas popular na Hulanda. Den e Stad di Katedral awor bo ta paga 20 porshento mas. Despues di Amsterdam, como studiante awor bo ta gasta mas einan. Esaki ta bisto for di cifranan di Kamernet pa e di dos cuartal.

Kamernet a wak solamente bibienda di studiante cu tabata wordo ofreci riba su propio plataforma; cambernan ofreci pa medio di otro medionan no ta incluí den e calkulashonnan. Den promedio, cambernan riba Kamernet a bira 5.4 porshento mas caro.

TAMBE UN PROBLEMA REGIONAL

Studiantenan cu kier biba den capital ainda ta paga mas tanto pa un camber, aunke e prijs no a aumenta mucho. Den promedio, e doño di cas einan ta pidi 961 euro tur luna.

Hobennan ku ta muda pa Haarlem den cercania pa motibo di e tipo di prijsnan ei ta paga mas tanto pa nan meter cuadra. E prijs einan ainda ta 56 euro mas halto cu na Amsterdam. Seelmann ta confirma cu e scarsedad di camber ta plama mas y  mas pa e stadnan rond di dje. “Esei tambe ta hacie un problema regional,” e ta bisa.

Kamernet tambe a analisa e priisnan di studio i apartamento di un camber. E prijs a subi mas lihé na Enschede. Cu un prijs promedio di 743 euro pa un studio, esaki ta 18.5 porshento mas halto cu aña pasa. Den contraste cu prijs di kamber, prijs di studio na Amsterdam tambe a subi considerablemente. Na Amsterdam, Utrecht i Rotterdam, un studio promedio awor ta kosta mas ku mil euro pa luna.