Gobierno na Corsou kier solucion pa situacion di calor no perhudica muchanan na scol proximamente

WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.

Minister van Heydoorn a splika ku debí na e situashon ekstraordinario di kalor ku ta asotá muchanan i personal na skol último aña, minister a instalá un “Komishon di maneho di Klima” ku e enkargo pa investigá kua ta e posibilidatnan ku tin den futuro i medidanan ku skolnan mester tuma. Esaki pa di tal manera lèsnan no ta kai afó. E komishon ya kaba a emití un relato.

Un biaha mas ta bini un periodo nobo di kalor, i ta p’esei e minister ta pidi un reunion di komishon sentral di parlamento ku e Komishon di Klima, p’asina nan por informá parlamento di nan investigashon.

Ta for di 2017 den luna di sèptèmber skolnan a kuminsá keha di e kalor eksesivo ku ta reina riba nos isla. Gobièrnu e tempu ei a disidí bini ku adaptashon di skolnan pa ku situashon di kalor. Minister a disidí ku tur direktiva di skol ta haña e oportunidat, dependé ta ki tipo di skol i sirkunstansia pa tuma medidanan adekuá. Pero tambe a papia loke ku por hasi na skolnan pa aliviá e situashon mas mihó ta dor di laga e muchanan bebe mas awa; ménos aktividat ku ta trese kansansio i fatiga; duna outoridat pa e muchanan por bisti pañanan mas liviano; alumnonan mester bai skol ku mas awa i skolnan, kaminda por, pone mas posibilidat di awa; krea mas lugá pa bebe awa na skol.

Pa loke ta trata skolnan di fundeshi nan por pone un èkstra pouze, i ora e situashon ta insoportabel, i si muchanan bira malu, tin e posibilidat pa duna nan oportunidat pa bai kas. Pa loke ta trata skolnan sekundario, kaminda ta nesesario por pone den funshon e roster di 30 minüt di lès enbes di 45 minüt.

Pues minister ta spera ku pronto e risibí un fecha pa e reunion den parlamento pa e komishon por duna su presentashon. NOTA: Texto ta scirbi den Papiamento fonetico di Corsou.