ATA Brazil ta registra crecemento di casi 50% di mercado di turista Brazilero pa Aruba

SÃO PAULO – E destinacion Aruba a mustra un crecemento di 48,4% den cantidad di turista Brasilero den e prome dos luna di 2024, compara cu e mesun periodo pero di 2023. Esaki a wordo anuncia diaranson riba e Día Internacional di Felicidad. “Nos a conoce un tremenod avance den e crecemento di e mercado Brasileño y nos mester pa e operadornan inverti den nos. Nos ta sigur cu esaki lo ta un aña increibel” Carlos Barbosa, representante di Aruba na Brazil a declara. Segun e ehecutivo, januari tabata un luna excepcional cu un crecemento di 65%, compara cu 2023 mientras cu februari a registra un crecemento di 30%.