Riba Dia di Himno y Bandera, Aruba ta conoce su di 2 morto di trafico

SAVANETA – Dialuna marduga, riba dia di Himno y Bandera, Aruba a conoce su di 2 morto di trafico pa 2024. Tabata dialuna marduga despues di 4or cu un accidente hopi grave a tuma lugar riba caminda grandi di San Nicolas pa Playa na altura di Savaneta. Un motorciclista a dal frontal contra un auto Nissan march, ora cu e motorciclista tabata bin di pabou. E impacto tabata fuerte lagando e brommer destrui y e manehador, basta leu riba. Informacion ricibi ta mustra cu e chauffeur di e march lo a pasa un truck, y topa frontal cu e motociclista, cu e consecuencia conoci. Informacion cu Noticiacla a ricibi, ta cu e motorciclista cu ta esun cu a perde su bida tabata Maximilian Thomas Hernandez Pinedo (20) , naci na Aruba . Noticiacla ta manda palabra di condolencia na famianan di e fayecido.