Antianonan den grupo grandi di criminalnan cera na Belgica

ANTWERPEN/W’STAD - Un biaha mas ta mustra riba grupo grandi di hóbennan orígen Antiano ku ta forma parti di bandanan kriminal di droga na Antwerpen, Bèlgika. Segun e informe ta bisa ku hulandesnan kriminal di droga ta hunga un ròl grandi den haf di Bèlgika. Di e 150 personanan ku outoridatnan den kadena hudisial a detené den 2023 den haf, mas òf ménos 50% ta bini for di Hulanda. Esaki ta pa basta aña kaba, segun e hefe di ministerio públiko, Franky De Keyzer. El a splika dje situashon di droga ku ta yega den haf di Antwerpen, Bèlgika.

E hulandesnan kriminal aki ku ta den Antwerpen ta i no solamente ta envolví den aktonan di violensia ku ta relatá na droga, pero riba atentadonan riba kasnan tambe.

De Keyzer: “den 2022 un dado momentu e situashon tabata asina grave, ku un parti di e prisòn di Antwerpen tabata yen yen di hulandesnan so”. Segun e hefe di ministerio públiko, gran parti di e sospechosonan ta bini for di Amsterdam, Rotterdam i Den Haag. E hulandesnan aki pa gran parti ta di orígen Antiano i surinameño ku ta den bandanan kriminal hóben. E hóbennan aki, Hulanda tin problema ku nan tambe. NOTA: Texto ta scirbi den Papiamento fonetico di Corsou.