Temporada F1 a cuminsa, y faborito Max Verstappen no tabata mucho contento cu su auto

BAHRAIN – E prome caredanan di prueba no a resulta positivo pa varios coredo di careda di auto di Formula Uno. E temporada a inicia awe diahuebs oficialmente cu e caredanan di prueba. Diasabra awor e prome careda di temporada ta tuma lugar. Entre otro e campeon mundial Max Verstappen no tabata nada contento cu su auto, ya cu e tabata bati hopi y tabatin problema cu e gear box. Daniel Ricciardo (RB) si tabatin un bon momento, registrando e miho tempo. Verstappen tabatin e di 6 miho tempo. Pero ainda tin dos dia di prueba pa determina ken ta cuminsa na ki posicion diasabra awor. Esey ta conoci como pole position. Siman pasa ainda, Verstappen tabata contento cu e prome cori cu su auto nobo e RB20. Cada aña e ekiponan ta haya un auto nobo pa participa. Aña pasa e auto di Verstappen, RB19 tabata esun mas liher sigur.