- Pa 2025 tin plach’i number nobo y un color diferente!
- Delegacion di ahedres di Aruba ta competiendo na Olimpiada Mundial di Ahedres na Hungria
- Wever-Croes: Aunke demisionario, lo termina proyectonan na San Nicolas
- Ainda sin Messi, campeon mundial Argentina y Brasil tambe ta sigui perde
- Polis a detene homber di Corsou na aeropuerto cu cocaine
New York Laundry ta celebra 10 aña di servicio
(ADVERTORIAL)
ORANJESTAD - New York Laundry ta extende palabranan di gradicimento na tur su clientenan pa nan compromiso continuo durante e ultimo 10 añanan. E aña aki, nan ta celebra nan di 10 aniversario brindando servicio na e hotelnan renombra como e proveedor principal di servicio di laundry y pañ’i cama na Aruba. New York Laundry ta masha orguyoso di e relacionnan cu a logra construi cu clientenan y ta reconoce cu e 10 añanan aki no lo tabata posibel sin nan of sin e dedicacion y amor di nan empleadonan.
CALIDAD GARANTISA
Como e proveedor principal di servicio di laundry na Aruba, ta reconoce cu cliente merece e calidad superior y como parti di e famia di MetaCorp, nan ta cumpli cu e standardnan di mas halto. New York Laundry ta ofrece un oportunidad igual di empleo (OIE) pa un forsa laboral di mas di 50 hende local, contribuyendo asina na e economia laboral local. Ta traha exclusivamente cu fabricantenan di ekipo y programa di software di prome nivel cu ta brinda flexibilidad y confiabilidad pa satisface e necesidadnan di e clientenan.
CERTIFICA NA STANDARD INTERNACIONAL
New York Laundry ta e unico laundry comercial na Aruba cu ta cumpli cu e standardnan internacional stipula pa e hotelnan di marca global, manera ta Marriott y Hilton International. Como parti di nan dedicacion na cliente, conhuntamente cu nan conocemento den e industria, ta dedica nan servicio unicamente na e sector hotelero p’asina garantisa cu no tin riesgo di contaminacion.
INNOVACION Y SOSTENIBILIDAD
Constantemente New York Laundry ta mehora esfuersonan di innovacion y sostenibilidad pa brinda un bon servicio na nan socionan y como resultado ta conta cu e certificacion EarthCheck Gold y ISO 9001, loke ta permiti nan pa mantene esfuersonan di sostenibilidad y na mes momento garantisa cu tur proceso ta cumpli cu e standardnan internacional. Separa di logra metanan interno di sostenibilidad y innovacion, ta bon pa bisa cu esaki ta beneficioso pa e clientenan na momento di logra nan metanan di sostenibilidad y ESG (Metanan ambiental, social y di maneho corporativo) y defende nan responsabilidad social.
TA PRODUCI NAN MESUN AWA
New York Laundry ta haci uzo unicamente di producto biodegradabel pa mitiga cualkier efecto negativo pa medio ambiente. Nan esfuersonan adicional di sostenibilidad ta inclui inversion den panelnan solar (green energy) y un planta di osmosis reversivo di ultimo den tecnologia pa produci nan mesun awa.
OPERACION SIN INTERUPCION
Nan compromiso di brinda un excelencia den servicio ta inclui entre otro un generator cu capacidad maximo di e planta p’asina garantisa e confiabilidad di un servicio continuo, independientemente di posibel perdida di coriente na Aruba. Tambe ta conta cu un personal capacita pa garantisa un servicio 100%.
TOCANTE NEW YORK LAUNDRY
New York Laundry ta un compania di mas cu 50 empleado cu ta opera solamente durante dia. Na New York Laundry nan meta ta pa produci cerca di 5 mil liber di paña pa cada ora di operacion. E compania ta sirbi e hotelnan di mas grandi y prestigioso na Aruba y cu plannan pa sigui desaroya y crece.
Pa 2025 tin plach’i number nobo y un color diferente!
ORANJESTAD – Departamento di Impuesto a anuncia diaranson cu otro aña lo otorga plach’i number nobo na e doñonan di vehiculo di motor. E plachinan nobo ta bay ta valido pa un periodo di 5 aña, esta pa e añanan 2025 te cu 2029. Na e momentonan aki e plachinan ta wordo fabrica den exterior y ta premira cu lo ricibi e plachinan durante luna di december 2024. E momento exacto ora cu lo bay cuminsa parti e plachinan aki lo wordo anuncia despues.
Prijs di gasoline y otro productonan petrolero ta baha diaranson
ORANJESTAD - Minister di Asuntonan Economico, Comunicacion y Desaroyo Sostenibel ta anuncia e prijsnan nobo di benta di combustibel entrante 11 september 2024:
Aruba Bank su Gran Evento ‘This is MEGA’: Un Biaha Mas un Exito!
Falta solamente 1 dia pa e gran “This is MEGA” Car Sales Event di Aruba Bank
Grupo di 1.227 pensionado no tin mester di haci declaracion di inkomstenbelasting mas entrante 2023
ORANJESTAD – Recientemente Departamento di Impuesto a kita 1.227 nomber di pensionado for di su registro di inkomstenbelasting. Esaki ta valido entrante aña 2023. E pensionadonan aki lo no ricibi e formulario di declaracion (aangiftebiljet) di inkomstenbelasting mas di awor en adelante. Si e pensionado ta casa, esaki ta conta tambe pa e casa. Den e dianan venidero e pensionadonan lo ricibi un carta na cas cu mas informacion.
ATA: Turistanan ta gastando mas na comemento den restaurant den 2024
ORANJESTAD - Aruba Tourism Authority (A.T.A) ta comparti tendencia di gasto na Aruba pa Q2 2024, caminda cu Restaurants & Dining ta e categoria caminda cu e bishitante ta gasta mas ora cu e ta na Aruba. Un indicacion cu Aruba tin e potencial di sigui desaroya su oferta culinario y promove esaki mas internacionalmente. Conforme informacion di tarheta di credito visa, unabez cu e turista ta na Aruba y ya a regla su estadia y buelo, locual e ta kede genera mas ta locual e ta gasta na “Restaurants & Dining”. Esaki a subi cu 17.9% den Q2 2024, compara cu e mesun temporada den 2023. A.T.A. ta monitorea patronchi di gasto a base di varios estadística entre otro pa medio di visa, master card, encuestanan y Banco Central di Aruba.
Follow NoticiaCla
