Pasaheronan di Air Canada pega tres dia na Aruba a demanda e aeroliña

VANCOUVER – Tres pasahero cu a book un biahe di Aruba pa Vancouver, Canada, a demanda e aeroliña Air Canada, pasobra nan a ‘keda pega na Aruba’ pa casi tres dia. No ta conoci di unda e pasaheronan ta originalmente, pero solamente cu nan a book e biahe for di Aruba. Ta trata di e tres pasaheronan Huibert Visscher, Sandra Broenink y Sofie Visscher. E itinerario tabatin parada na Charlotte y Toronto, cu Air Canada operando e ultimo parti di Toronto pa Vancouver. Lamentablemente debi na un tormenta di sneeuw na Toronto, Air Canada mester a rebook e participantenan di un otro buelo di Aruba pa Vancouver, cu un parada e biaha aki na Chicago y Seattle. E trio a sugeri cu nan no a haya ticket pa e revision di ittinerario y como tal nan a keda pega na Aruba. Tur tres pasahero a claim $3000 combina, cu segun e asina yama Air Passenger Protection Regulation (APPR) y un adicional $2,816.24na daño pa por cubri hotel, transporte uy cuminda. E tribunal Canades, BC Civil Resolution Tribunal, a aproba e demanda parcialmente.

Corte a determina cu basa riba e informacion ricibi, enberdad e aeroliña a faya, causando un retraso di 62 hora y 29 minuut pa e tres pasaheronan. Na final e trio a logra $2042.99 na daño.