- Lotto ta introduci un miembro nobo di Instacash “Buckets of Cash”!
- Ta mustra cu tin un crisis constitucional actual na St Maarten
- Netanyahu determina pa sigui cu guera, hasta sin ayudo di Merca si mester
- Hulanda a cualifica pa final di Eurovisie Song Festival, pero no a permitie entrena awe
- Den un aña La Vela de Coro a exporta mas di 3 mil ton di producto pa Corsou
Corte a declara e emisora mas bieu di Corsou Curom Z86 bancarota
WILLEMSTAD - Curom Broadcasting ku ta akapará emisoranan Z86 i Mi95 a keda deklará bankarota pa Korte. Esaki a trese kuné ku di inmediato mester a para transmishon di Z86 komo tambe Mi95. Na kuminsamentu di e aña aki, Curom a selebrá 90 aña di eksistensia, pues e radio a debutá den aña 1933. E bankarota ta afektá e dos emisoranan menshoná, ya ku 88Rockòrsou basta tempu no ta forma parti mas di Curom i ta riba su mes. Ta for di basta tempu Curom ta den situashon finansiero delikado pa ku kumplimentu ku spesialmente su trahadónan. Dos luna pasá, por a mira riba ret sosial ku e edifisio di Curom den Kaya Grandi di Otrobanda a keda poné na benta pa medio di makelar. Ayera e desishon fèrfelu di korte a pone ku e dos emisoranan mester a sera nan transmishon de inmediato. NOTA: E texto ta scirbi den Papiamento fonetico di Corsou.
Den un aña La Vela de Coro a exporta mas di 3 mil ton di producto pa Corsou
VELA DE CORO – Den un aña , La Vela de Coro a exporta 3.155 ton di producto pa Corsou. ASina e vicepresidente di Camara de Comercio di La Vela de Coro, Juan Gotopo, ia informa e siman aki. Esaki ta for di momento cu na 2023 a cuminsa manda e prome productonan pa Corsou. Mayoria di e productonan ta fruta y vegetables, aunke tin tambe carbon vegetal, y material di construccion.
Relashona cu daño na Hofi Mango na Corsou, premier Pisas a reuni ku Jandino Asporaat
WILLEMSTAD – Minister Pisas huntu ku Jandino Asporaat durante un reunion djaluna atardi a deliberá tokante e daño ku e proyekto Hòfi Mango a sufri durante e áwaseru eksesivo ku a kai djasabra último.
Sint Maarten tin un gabinete nobo cu Luc Mercelina como prome minister na cabez
PHILIPSBURG .- Na Sint Maarten djabièrnè mainta a instalá gobernashon nobo, bou di liderazgo di promé minister Luc Mercelina. E kabinèt di minister no ta kompleto ainda; e prosedimentu di ‘screening’ di dos posibel minister no a terminá despues di mas ku dos luna. Partido di gobernashon PFP ta demandá klaridat tokante esaki.
Parke nacional Hofi Mango di Jandino Asporaat, destrui pa inundacion na Corsou
BANDA BOU – E parke Nacional Hofi Mango, un parke di naturalesa crea pa e comediante Jandino Asporaat y su ruman, a keda destrui den fin di siman pa e inundacion a consecuencia di awacero torencial den fin di siman. E dam na e sitio a kibra cu a pone cu practicamente tur cos a keda destrui. E manehador di e parke y su famia por a keda evacua na tempo. Mientras cu e daño ta enorme, Asporaat ,- cu a bula bin Corsou mesora for di Hulanda -, a priminti cu lo reconstrui e parke y hacie aun mas bunita. E parke ta situa na e parti mas afecta pa e inundacion y awacero na Banda Bou. Segun Asporaat, e inundacion ta debi na mal mantencion di e damnan riba nos isla. “Si no ta tuma medida cu ta importante pa infrastructura y seguridad, ta cos di hiba awa laman”, Asporaat a critica den direccion di gobierno.
Instancianan na Corsou manera CTB y GMN ta conseha pa no hasi uso di playanan destruí pa awasero
WILLEMSTAD – E fotonan ta papia pa nan mes. Un destrukshon formal áwaseru a laga atras den área di Banda Abou djasabra último, prinsipalmente playanan. Esaki ta motibu ku GMN i CTB a saka un konseho pa por lo pronto no hasi uso di e playanan menshoná te un próksimo aviso.
Mural na airopuerto di Corsou honrando Margareth Abraham
WILLEMSTAD - Ayera 2 di mei a kumpli nèt 54 aña ku e avion di ALM buelo 980 a baha den laman djis pega ku St. Croix, oséano Atlántiko. E buelo a sali for di New York John F Kennedy International Airport pa bai St. Maarten Juliana Airport. Riba e buelo tabatin komo miembronan di kabina e yunan di Kòrsou Tobias (Tito) Cordeiro, Wilfred (Boy) Spencer i Margareth Abraham. E dosnan ku a keda bibu tabata Tito Cordeiro i Boy Spencer (a fayesé algun aña pasá. Un total di 23 persona a muri den e aksidente aki miéntras 40 a sobrebibí.
Follow NoticiaCla
