Riba peticion di Aruba, van Huffelen di transito pa Bonaire a topa premier Wever

ORANJESTAD – Riba peticion di Aruba, diaranson atardi 25 di October ultimo Secretario di Estado Alexandra van Huffelen a reuni un rato cu prome minister di Aruba Evelyn Wever, mientras cu e secretario di estado tabata di transito pa Bonaire Durante estadia cortico na Aruba, Premier Evelyn Wever-Croes a probecha di e oportunidad di delibera cu e Secretario di Estado riba diferente tema entre Aruba y Hulanda. Noticiacla a compronde pues tambe cu ta Aruba tabata kier e consulta y mirando e oportunidad, e mandatario Hulandes mester a pasa via Aruba toch, a usa e oportunidad aki pa e consulta aki. Detayes di e combersacion no a keda divulga si. Premier Wever a bisa solamente cu 

“Importante ta cu Aruba keda na mesa cu Hulanda pa yega na un solucion, pasobra apesar di kico por ta e circumstancia, ta na mesa bo ta yega na e miho solucion pa Aruba”, Prome Minister a enfatisa.